ദുബൈ: 46-മത് യു.എ.ഇ ദേശീയ ദിനാഘോഷത്തിന്റെ ഭാഗമായി ദുബൈ കെ.എം.സി.സി സംഘടിപ്പിച്ച സർഗോത്സവത്തിന് തുടക്കമായി. മുസ്ലിം ലീഗ് സംസ്ഥാന സെക്രട്ടറി എം.സി മായീൻ ഹാജി സർഗോൽസവ പ്രതിഭകളെ അഭിനന്ദിച്ചു.

ദുബായ് കെ.എം.സി.സി പ്രസിഡന്റ് പി.കെ അൻവർ നഹ അധ്യക്ഷനായിരുന്ന പരിപാടിയിൽ യു.എ.ഇ കെ.എം.സി.സി ജന:സെക്രട്ടറി ഇബ്രാഹിം എളേറ്റിൽ മുഖ്യാതിഥിയായിരുന്നു. ഗർഹൂദ് എൻ.ഐ മോഡൽ സ്‌കൂളിൽ നടക്കുന്ന കലാ മൽസരങ്ങളിൽ അഞ്ഞൂറിലധികം കലാ പ്രതിഭകളാണ് മാറ്റുരക്കുന്നത്.ഇന്നലെ (24/11/2017) ഉച്ചക്ക് 2 മണിക്ക് ആരംഭിച്ച മൽസരങ്ങൾ രാത്രി വൈകിയും തുടരുകയാണ് സംസഥാന സ്‌കൂൾ കലോൽസവ മാന്വൽ അടിസ്ഥാനമാക്കി നടക്കുന്ന കലോൽസവത്തിൽ ജില്ലകൾ തമ്മിലുള്ള ആവേശകരമായ മൽസരമാണ് നടക്കുന്നത്.പ്രത്യേകം തയ്യാറാക്കിയ അഞ്ച് വേദികളിലായി 25 ഇനങ്ങളിൽ ആണ് മൽസരം പുരോഗമിക്കുന്നത്.

പ്രസംഗം (മലയാളം,ഇഗ്ലീഷ്),അറബി ഗാനം, കവിതാ പാരായണം, (മലയാളം)ഉർദുപദ്യം,ദേശ ഭക്തി ഗാനം,മിമിക്രി, മോണോആക്റ്റ്, മാപ്പിളപാട്ട്,ദഫ്മുട്ട്,ഒപ്പന,കോൽകളി,അറബന മുട്ട്, എന്നീ ഇനങ്ങളിൽ സ്റ്റേജ് മൽസരങ്ങളും ചെറുകഥ(മലയാളം) പ്രബന്ധം(മലയാളം,ഇഗ്ലീഷ്),കവിതാ രചന, മാപ്പിളപ്പാട്ട് രചന,മുദ്രാവാക്യ രചന, വാർത്താ പാരായണം, ക്വിസ്,കാർട്ടൂൺ, ഡ്രോയിങ്,പെയിന്റിങ്, എന്നീ സ്റ്റേജ് ഇതര മത്സരങ്ങളുമാണ് കലാ-സാഹിത്യ മത്സരങ്ങളുടെ ഭാഗമായി നടക്കുന്നത്. വെള്ളിയോടൻ,ദീപ ചിറയിൽ,സലിം അയ്യനത്ത്,ഡോ:അഫ്‌സൽ ഹുദവി,ഹമീദ് കൊളയിടുക്കം,സോണി ജോസ്,ഹമീദ് കലാഭവൻ,ശ്രീകുട്ടൻ വർക്കല,ജലീൽ പട്ടാമ്പി,കെ.എം അബാസ്,ഖലീൽ ശംനാട് എന്നീ പ്രഗൽഭരായ വിധികർത്താക്കൾ ആണ് മത്സരത്തിന്റെ വിധി നിർണയത്തിനായിട്ടുള്ളത്.

അവസാനം ലഭിച്ച മത്സര ഫലം അനുസരിച്ച് കണ്ണൂർ 56 പോയന്റ് നേടി ഒന്നാം സ്ഥാനത്തും, കോഴികോട് 53 പോയന്റ്‌നേടി രണ്ടാം സ്ഥാനത്തും തൃശ്ശൂർ 21 പോയന്റ്‌നേടി മൂന്നാം സ്ഥാനത്തുമായി ജില്ലകൾ തമ്മിൽ വാശിയേറിയ മൽസരമാണ് നടക്കുന്നത്.കൂടുതൽ പോയന്റ് നേടിയ ജില്ലക്ക് ഡിസംബർ 8ന് നടക്കുന്ന പ്രൌഡ ഗംഭീര ദേശീയ ദിനാഘോഷ സമാപന സമ്മേളനത്തിൽ വെച്ച് ഓവറോൾ കിരീടം നൽകും. ദുബൈ കെ.എം.സി.സി ജന:സെക്രട്ടറി ഇബ്രാഹിം മുറിചാണ്ടി, ട്രഷറർ എ.സി ഇസ്മായിൽ, അഡ്വ:സാജിദ് അബൂബക്കർ, സഹൽ കബീർ ടെൽകോൺ എന്നിവർ ആശംസകൾ നേർന്നു സംസാരിച്ചു.

സംസ്ഥാന ഭാരവാഹികളായ ഒ.കെ ഇബ്രാഹിം, മുസ്തഫ തിരൂർ,മുഹമ്മദ് പട്ടാമ്പി, ആവയിൽ ഉമ്മർ,ആർ.ശുകൂർ, ഇസ്മായിൽ ഏറാമല എന്നിവർ സംബന്ധിച്ചു. സുബൈർ വെള്ളിയോട്, ടി.എം.എ സിദ്ദീഖ്,റിയാസ് മാണൂർ,ഷമീം ചെറിയമുണ്ടം,മൂസ കൊയംബ്രം,റഫീഖ് കൂത്തുപറമ്പ്, റയീസ് കോട്ടക്കൽ,സുബൈർ,ഇബാർഹിം ഇരിട്ടി,ഷംസുദ്ദീൻ കല്ല്യാശ്ശേരി,സിദീക് ചൗക്കി,സിദീഖ് എന്നിവർ നേതൃത്വം നൽകി. സർഗധാര ചെയർമാൻ അഷ്റഫ് കൊടുങ്ങല്ലൂർ സ്വാഗതവും കൺവീനർ മൊയ്തു മക്കിയാട് നന്ദിയും പറഞ്ഞു,