ദിലീപിനെ നായകനാക്കി ബി. ഉണ്ണിക്കൃഷ്ണൻ രചനയും സംവിധാനവും നിർവഹിക്കുന്ന  'കോടതി സമക്ഷം ബാലൻ വക്കീൽ' എന്ന ചിത്രത്തിന്റെ ടീസർ നാളെ 6 മണിക്ക് എത്തും. വിക്കുള്ള വക്കീലായാണ് ദിലീപ് ചിത്രത്തിൽ എത്തുന്നത്. പാസഞ്ചർ എന്ന ചിത്രത്തിന് ശേഷം ദിലീപ് വക്കീൽ വേഷത്തിലെത്തുന്ന ചിത്രം കൂടിയാണിത്. ചിത്രത്തിൽ മംമ്ത മോഹൻദാസും പ്രിയാ ആനന്ദുമാണ് നായികമാരാകുന്നത്. മൂന്നാമതൊരു നായിക കൂടിയുണ്ട് ചിത്രത്തിൽ.

വില്ലൻ എന്ന ചിത്രത്തിന് ശേഷം ബി. ഉണ്ണിക്കൃഷ്ണൻ സംവിധാനം ചെയ്യുന്ന ചിത്രമാണിത്. ദിലീപും ഉണ്ണിക്കൃഷ്ണനും ആദ്യമായി ഒന്നിക്കുന്ന ചിത്രമെന്നതും പ്രത്യേകതയാണ്. മൈ ബോസ്, ടൂ കൺട്രീസ് തുടങ്ങിയ ദിലീപിന്റെ സൂപ്പർ ഹിറ്റ് ചിത്രങ്ങളിലെ നായികയായിരുന്നു മംമ്ത. എസ്ര എന്ന സിനിമയിലൂടെ മലയാളത്തിലെത്തിയ പ്രിയാ ആനന്ദ് കായംകുളം കൊച്ചുണ്ണി എന്ന സിനിമയ്ക്ക് ശേഷം അഭിനയിക്കുന്ന മലയാള ചിത്രമാണിത്. ബോളിവുഡിലെ പ്രമുഖ നിർമ്മാണക്കമ്പനിയായ വയാകോം 18 ആണ് ബി. ചിത്രം നിർമ്മിക്കുന്നത്.

രാമചന്ദ്രബാബു സംവിധാനം ചെയ്യുന്ന ത്രീ ഡി ചിത്രമായ പ്രൊഫ. ഡിങ്കനിലാണ് ദിലീപ് അഭിനയിച്ച് കൊണ്ടിരുന്നത്. തായ്‌ലൻഡിലും ഡിങ്കന്റെ ചിത്രീകരണമുണ്ട്. ന്യൂ ടി.വിയുടെ ബാനറിൽ സനൽ തോട്ടം നിർമ്മിക്കുന്ന പ്രൊഫ. ഡിങ്കന്റെ രചന നിർവഹിക്കുന്നത് റാഫിയാണ്.നമിതാ പ്രമോദാണ് ഡിങ്കനിലെ നായിക. സ്രിൻഡ മറ്റൊരു സുപ്രധാന വേഷമവതരിപ്പിക്കുന്നു. ചിത്രത്തിന് ഛായാഗ്രഹണം നിർവഹിക്കുന്നത് രാമചന്ദ്രബാബുവാണ്. ലാൽജോസ് സംവിധാനം ചെയ്യുന്ന ചിത്രമാണ് അടു ത്ത വർഷത്തെ ദിലീപിന്റെ മറ്റൊ രു മെഗാ പ്രോജക്ട്.