ബി. ഉണ്ണിക്കൃഷ്ണൻ സംവിധാനം ചെയ്യുന്ന കോടതി സമക്ഷം ബാലൻ വക്കീൽ എന്ന ചിത്രത്തിന്റെ ടീസറെത്തി. ദീലിപ് വിക്കുള്ള വക്കീലായാണ് ടീസറിൽ നിറയുന്നത്. ചിത്രത്തിന്റെ രസകരമായ ടീസർ ദിലീപ് തന്റെ ഫേസ്‌ബുക്ക് പേജിലൂടെയാണ് പുറത്തിറക്കിയത്.

ബി. ഉണ്ണിക്കൃഷ്ണൻ ദീലീപിനെ നായകനാക്കി ആദ്യമായി സംവിധാനം ചെയ്യുന്ന ചിത്രം കൂടിയാണിത്. അജു വർഗീസും ബിന്ദു പണിക്കറും ടീസറിൽ പ്രത്യക്ഷപ്പെടുന്നുണ്ട്.

ടു കൺട്രീസിനു ശേഷം മമത ദിലീപിന്റെ നായികയാകുന്ന ചിത്രം കൂടിയാണ് കോടതി സമക്ഷം ബാലൻ വക്കീൽ. എസ്രയിലൂടെ മലയാളത്തിൽ എത്തിയ പ്രിയ ആനന്ദും ചിത്രത്തിൽ പ്രധാന വേഷത്തിലെത്തുന്നു.ബാഹുബലി ഫെയിം പ്രഭാകറും ചിത്രത്തിൽ ഒരു മുഖ്യ വേഷത്തിലെത്തുന്നു. വയകോം18 മോഷൻ പിക്ചേർസ് ആദ്യമായി മലയാളത്തിൽ നിർമ്മിക്കുന്ന ചിത്രം കൂടിയാണിത്.