കോഴിക്കോട് ജില്ലാ പ്രവാസി ഫോറം നടത്തിവന്ന ഹൃദയാരോഗ്യ പരിശോധനാ ക്യാമ്പ് സമാപിച്ചു

മനാമ: കോഴിക്കോട് ജില്ലാ പ്രവാസി ഫോറം, ബഹ്‌റൈൻ സ്‌പെഷലിസ്റ്റ് ഹോസ്പ്പിറ്റലിലെ അപ്പോളോകാർഡിയാക് സെന്ററുമായി ചേർന്ന് പതിനൊന്ന് ദിവസങ്ങളായി നടത്തിവന്ന ഹൃദയാരോഗ്യ പരിശോധനാ ക്യാമ്പ് വിജയകരമായി സമാപിച്ചു.ദിവസം 20 പേരെ വീതം പരിശോധിച്ച് ആവശ്യമായവർക്ക് കൃത്യമായ തുടർ ചികിത്സാ നിർദേശങ്ങളും ആരോഗ്യപരിപാലനത്തിന് ജീവിത ശൈലിയിൽ വേണ്ട മാറ്റങ്ങളും നിർദേശിച്ചു. വലിയ ജനപിന്തുണയും മികച്ച അഭിപ്രായവും നേടിയ ക്യാമ്പ് സംഘാടനത്തിലെ മികവ് കൊണ്ട്KPF ന്റെ കിരീടത്തിലെ ഒരു പൊൻ തൂവൽ കൂടിയായി തീർന്നു.

ചിലവേറിയ ചികിത്സകൾക്ക് സ്റ്റാൻഡേർഡ് ചാർട്ടേർഡ് ബാങ്ക് BSH ലെ പേഷ്യന്റ്‌സിന് വേണ്ടി പലിശരഹിത വായ്പാ സൗകര്യം ഏർപ്പെടുത്തിയതായി ആശുപത്രി വൃത്തങ്ങൾ സമാപന ചടങ്ങിൽ അറിയിച്ചു. ഡോക്ടർമാരായ അബ്ദുൾ അസീസ് ആസാദ്, പ്രശാന്ത് പ്രഭാകർ എന്നിവരും, നഴ്‌സുമാരായ മറിയാമ്മ മാത്യു, അന്നാമ്മാ ഡാനിയൽ, ധന്യ സോമശേഖരൻ, സോനാ ജിൻ, ടെക്നിഷ്യന്മാരായ സൂസൻ കാസ്‌ട്രോ, നെയ്മീ ബീഗം, ഒഫീഷ്യൽസായ യതീഷ് കുമാർ, ലൂയീസ് സാന്റോസ് മെനാസെസ് എന്നിവരെ ക്യാമ്പിലുടനീളം മികച്ച പ്രവർത്തനങ്ങൾ നടത്തിയതിന് സർട്ടിഫിക്കറ്റുകളും മെമെന്റോയും നൽകി ആദരിച്ചു. ക്യാമ്പ് കോഡിനേറ്റർമാരായ അഖിൽ താമരശ്ശേരി, സവിനേഷ്, എക്സിക്യുട്ടീവ് മെമ്പർമാരായ ഗോപാലൻ വിസി, ജമാൽ കുറ്റിക്കാട്ടിൽ, ശശി അക്കരാൽ, സജീഷ് കുമാർ, അനിൽകുമാർ എന്നിവരുടെ നേതൃത്വത്തിൽ നടന്ന സമാപന ചടങ്ങിൽ കെപിഎഫ് പ്രസിഡണ്ട് സുധീർ തിരുനിലത്ത് ഹോസ്പിറ്റലിനും സ്റ്റാഫിനും നന്ദി അറിയിച്ചു, ചടങ്ങ് കെപിഎഫ് ആക്ടിങ് സെക്രട്ടറി ഫൈസൽ പാട്ടാണ്ടി നിയന്ത്രിച്ചു.