ന്യൂഡൽഹി: സംഘടനാതെരഞ്ഞെടുപ്പിന് ശേഷവും എംഎം ഹസൻ കെപിസിസി പ്രസിഡന്റായി തുടരുമെന്ന് കോൺഗ്രസ് ജനറൽ സെക്രട്ടറി ജനാർദ്ദനൻ ദ്വിവേദി വാർത്ത കുറിപ്പിലൂടെ അറിയിച്ചു.

സംഘടന തെരഞ്ഞെടുപ്പ് പൂർത്തിയാകും വരെ എംഎം ഹസൻ കെപിസിസി അധ്യക്ഷസ്ഥാനത്ത് തുടരുമെന്നാണ് നേരത്തെ എഐസിസി തീരുമാനിച്ചിരുന്നത് പിന്നീട് നിലവിലെ കെപിസിസി അധ്യക്ഷന്മാർ സംഘടനാതെരഞ്ഞെടുപ്പിന് ശേഷവും തുടരുമെന്ന് കോൺഗ്രസ് അധ്യക്ഷൻ രാഹുൽ ഗാന്ധി അറിയിച്ചതിനെ തുടർന്നാണ് തീരുമാനം.

പുതിയ ഒരു തീരുമാനമുണ്ടാകുന്നതുവരെ നിലവിലെ പിസിസി അധ്യക്ഷന്മാർ തുടരും. കെപിസിസി പുനഃസംഘടന മരവിപ്പിച്ചതായും നിലവിലെ കമ്മറ്റി തുടരാനും അതിനോടപ്പം ഓരോ സംസ്ഥാനത്തെയും സ്ഥിതിഗതികൾ വിലയിരുത്തി മാറ്റങ്ങളുണ്ടാകുമെന്നും നേതൃത്വം അറിയിച്ചു.