കോട്ടയം: എം.സി. റോഡിൽ ഏറ്റുമാനൂർ അടിച്ചിറ ഭാഗത്ത് കെ.എസ്.ആർ.ടി.സി.ബസ് നിയന്ത്രണം വിട്ട് മറിഞ്ഞു. അപകടത്തിൽ 30-ലേറെ യാത്രക്കാർക്ക് പരിക്ക്. ചൊവ്വാഴ്ച പുലർച്ചെ 2.30-ഓടെ ആയിരുന്നു അപകടം.തിരുവനന്തപുരത്ത് നിന്നും കോട്ടയം വഴി മാട്ടുപ്പെട്ടിക്ക് പോകുകയായിരുന്ന ബസ്സാണ് അപകടത്തിൽപ്പെട്ടത്.

ഏറ്റുമാനൂർ പൊലീസും അഗ്നിരക്ഷാസേനയും സ്ഥലത്തെത്തി മേൽനടപടി സ്വീകരിച്ചു. അപകടത്തെത്തുടർന്ന് എം.സി.റോഡിൽ ഗതാഗതം കുറച്ചു സമയം സ്തംഭിച്ചു.അപകടകാരണം വ്യക്തമല്ല. പരിക്കേറ്റ യാത്രക്കാരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആരുടേയും നില ഗുരതരമല്ലെന്നാണ് റിപ്പോർട്ട്.

 

കെ.എസ്.ആർ.ടി.സി.