ഐക്യജനാധിപത്യ മുന്നണി സ്ഥാനാർത്ഥി കുഞ്ഞുകോശി പോളിനു കക്ഷിരാഷ്ട്രീയ ഭേദമന്യേ സൂം മീറ്റിംഗിലൂടെ നടത്തിയ സുഹൃദ് സംഗമം ശക്തമായ പിന്തുണ അറിയിച്ചു. അമേരിക്കയിലെയും കാനഡയിലും ഉള്ള തിരുവല്ലാ നിയോജകമണ്ഡലത്തിലുള്ള സുഹൃത്തുക്കളുടെ സംഗമത്തിന്ചുക്കാൻ പിടിച്ചത് ഷിക്കാഗോയിലുള്ള പ്രവീൺ തോമസ്സും, ന്യൂ യോർക്കിൽ നിന്നും ഷോളി കുമ്പിളുവേലിയുമാണ്. റവ.ജേക്കബ് ചാക്കോ പ്രാരംഭപ്രാർത്ഥന നടത്തി. ആമുഖ പ്രസംഗം നടത്തിയ കേരള കോൺഗ്രസ് ഉന്നതാധികാരസമിതിയംഗം അപ്പുജോൺ ജോസഫ് കേരളത്തെ സംബന്ധിച്ച് വളരെ നിർണ്ണായകമായ തെരഞ്ഞെടുപ്പണിതെന്ന് അഭിപ്രായപ്പെട്ടു. ഇടതുപക്ഷം വർഗീയ വാദികളുമായി കൂട്ട് ചേർന്ന് കേരളത്തെ നശിപ്പിക്കുകയാണ്. ചെറുപ്പക്കാരേ ഇതുപോലെ വഞ്ചിച്ച ഒരു സർക്കാർ ഇതുവരെ ഉണ്ടായിട്ടില്ല. സ്വജനപക്ഷപാതത്തിനു ഒരു മന്ത്രി തന്നെ രാജി വയ്ക്കേണ്ടിവന്ന സർക്കാരാണ് ഇപ്പോഴുള്ളത്. കൊട്ടി ഘോഷിച്ചു നടത്തിയ കിറ്റുവിതരണം പോലും കറണ്ട് ചാർജ്ജും മറ്റു അനുബന്ധ ബില്ലുകളും മൂന്നിരട്ടിയാക്കി വർധിപ്പിച്ചിട്ടു നൽകുന്ന നക്കാപ്പിച്ചയാണെന്നും, ഈകബളിപ്പിക്കൽ പൊതുജനം തിരിച്ചറിയണമെന്നും അപ്പു ജോൺ ജോസഫ്ഫ് കൂട്ടിച്ചേർത്തു.

യോഗംഉദ്ഘാടനംമുൻ രാജ്യസഭ ഉപാദ്ധ്യക്ഷൻപ്രൊഫ. പി.ജെ കുര്യൻ,കേരളത്തിൽ ഒരുഭരണമാറ്റം അനിവാര്യമാണെന്നും കേരളത്തിലെ മിക്കവാറും എല്ലാ ജനങ്ങളും ഇതാഗ്രഹിക്കുന്നുണ്ടെന്നും പറഞ്ഞു. തിരുവല്ലയ്ക്കു ഏറ്റവും അനുയോജ്യനായ, അഴിമതി രഹിതനായ സ്ഥാനാർത്ഥിയെയാണ് തിരുവല്ലയ്ക്കു കുഞ്ഞുകോശി പോളിലൂടെ ലഭിച്ചിരിക്കുന്നത്. ഈ ശ്രമം ഒരൂ സൂം മീറ്റിംഗിൽ ഒതുക്കാതെ എല്ലാവരും നാട്ടിൽ ബന്ധപ്പെട്ട് ആവശ്യമായ പ്രചാരണങ്ങൾ നടത്തണമെന്നും അദ്ദേഹം ഉദ്ബോധിപ്പിച്ചു.
മറുപടി പ്രസംഗത്തിൽ കുഞ്ഞുകോശിപോൾ, താൻ തെരഞ്ഞെടുക്കപ്പെട്ടാൽ എന്നെപ്രതി തിരുവല്ലയിലെ ഒരു വക്തിക്കും, അഴിമതിയുടെയോ നിശ്ക്രിയത്വത്തിന്റെയോ പേരിൽ തലകുനിക്കേണ്ടി വരില്ല എന്ന് അർത്ഥ ശങ്കയ്ക്കിടയില്ലാതെ പറഞ്ഞു.തിരുവല്ല വികസന കാര്യത്തിൽ ഇന്നും വളരെ പുറകിലാണ്. നമുക്ക് വളരെയധികം മുന്നേറെണ്ടതുണ്ടെന്നും അദ്ദേഹം പറഞ്ഞു.

യു.ഡി.എഫ്. പത്തനംതിട്ട ജില്ല കൺവീനറും, കേരള കോൺഗ്രസ് ജില്ലാ പ്രസിഡന്റുമായ വിക്ടർ. ടി. തോമസ്, തിരുവല്ല നിയോജകമണ്ഡലം ഇലക്ഷൻ കമ്മറ്റി ചെയർമാൻ അഡ്വ. വർഗീസ് മാമ്മൻ, മുൻ പെരിങ്ങര പഞ്ചായത്ത് പ്രസിഡന്റ് സാം ഈപ്പൻ,മുൻ പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റ് ജോർജ്ജ് മാമ്മൻ കോണ്ടൂർ, ഫോക്കാന പ്രസിഡന്റ്റ് ജോർജ്ജി വർഗീസ്, ഫോമ പ്രസിഡണ്ട് അനിയൻ ജോർജ്ജ്, മുൻ ഫോമ പ്രസിഡന്റ് ഫിലിപ്പ് ചാമത്തിൽ, വേൾഡ് മലയാളി കൗൺസിൽ ഗ്ലോബൽ വൈസ് പ്രസിഡന്റ് പി.സി.മാത്യു, ഇന്ത്യൻ ഓവർസീസ് കോൺഗ്രസ് പ്രസിഡന്റ് ലീല മാരേട്ട്, ഡോ. മാമ്മൻ സി ജേക്കബ്, തോമസ് .ടി ഉ മ്മൻ , ഫൊക്കാന ട്രുസ്റ്റി ബോർഡംഗം ഏബ്രഹാം ഈപ്പൻ തുടങ്ങിയവർ പ്രസംഗിച്ചു. ഷോളി കുമ്പിളുവേലി സ്വാഗതവും,ജെസ്സി റിൻസി നന്ദിപ്രകാശനവും നടത്തി.

സുഹൃദ് സംഗമം