ഒ.ഐ.സി.സി കുവൈറ്റ് കണ്ണൂർ ജില്ലാ കമ്മിറ്റിയുടെ സാമൂഹ്യ സേവനപ്രവർത്തനങ്ങളുടെ പദ്ധതിയായ കാരുണ്യ സ്പർശം പദ്ധതിയുടെ ഒന്നാംവാർഷികവും കണ്ണൂർ മീറ്റ് - 2023 ഉം ഫെബ്രുവരി 10 നു വൈകിട്ട്അബ്ബാസിയ ഇന്ത്യൻ സെൻട്രൽ സ്‌കൂളിൽ സംഘടിപ്പിച്ചു. ഇരിക്കൂർ എംഎൽ എ അഡ്വ: സജീവ് ജോസഫ് മുഖ്യാതിഥിയായ ചടങ്ങ് ഒ.ഐ.സി.സിനാഷണൽ കമ്മിറ്റി പ്രസിഡന്റ് വര്ഗീസ് പുതുക്കുളങ്ങര ഉൽഘാടനംചെയ്തു.
കണ്ണൂർ ജില്ലാ പ്രസിഡന്റ് സിദ്ദിഖ് അപ്പക്കൻ അധ്യക്ഷത വഹിച്ചചടങ്ങിൽ അഡ്വ. സജീവ് ജോസഫ് എം ൽ എ മുഖ്യ പ്രഭാഷണം നടത്തി.കേന്ദ്ര സംസ്ഥാന സർക്കാരുകളുടെ ജനദ്രോഹ നയങ്ങൾ ഒന്നൊന്നായിതന്റെ രാഷ്ട്രീയ പ്രസംഗത്തിൽ അഡ്വ. സജീവ് ജോസഫ് തുറന്നു കാട്ടി. ഒ.ഐ.സി.സി കണ്ണൂർ ജില്ലാ കമ്മിറ്റി യുടെ പ്രവർത്തനങ്ങൾസ്‌ളാഘനീയമാണെന്നും അദ്ദേഹം പ്രതിപാദിച്ചു.
ആതുര സേവനരംഗത്തെയും സാമൂഹ്യ സേവന രംഗത്തേയും മികച്ച സാന്നിധ്യംപരിഗണിച്ച് പ്രഥമ സതീശൻ പാച്ചേനി പുരസ്‌കാരം മെട്രോ മെഡിക്കൽഗ്രൂപ്പ് ചെയർമാൻ മുസ്തഫ ഹംസ പയ്യന്നൂരിനു അഡ്വ. സജിവ്ജോസഫ് എം എൽ എ നൽകി ആദരിച്ചു.
ജില്ലാ കമ്മിറ്റി വാർഷിക റിപ്പോർട്ട് ജനറൽ സെക്രട്ടറി ഷോബിൻ സണ്ണിയുംകാരുണ്യസ്പർശം പദ്ധതി വാർഷിക റിപ്പോർട്ട് കൺവീനർ ജിംസൺചെറുപുഴയും അവതരിപ്പിച്ചു. ഒ.ഐ.സി.സി നേതാക്കളായ ബി. എസ്‌പിള്ള, ബിനു ചേമ്പാലയം, രവി ചന്ദ്രൻ ചുഴലി എന്നിവർ ആശംസ
പ്രഭാഷണം നടത്തിയ ചടങ്ങിന് കണ്ണൂർ ജില്ലാ ജനറൽ സെക്രട്ടറി ഷോബിൻസണ്ണി സ്വാഗതവും, പ്രോഗ്രാം കൺവീനർ ലിപിൻ മുഴക്കുന്ന് നന്ദിയുംപറഞ്ഞു.
ഗാനമേള, നാടൻപാട്ട്, നൃത്ത നൃത്യങ്ങൾ, കോൽക്കളി തുടങ്ങിയകലാപരിപാടികൾ അരങ്ങേറിയ പരിപാടിയിൽ നൂറുകണിക്കിനുപ്രവർത്തകർ പങ്കെടുത്തു.
