തനിമ കുവൈത്ത് ഏപ്രിൽ നാലാം വാരം അരങ്ങേറുവാനായ് തയ്യാറെടുക്കുന്ന 'മാക്‌ബത്ത്' നാടകത്തിന്റെ പരിശീലന കളരിയിൽ വച്ച്, മാർച്ച് 27 ന് ലോക നാടകദിനം ആചരിച്ചു. നാടകത്തനിമ കൺവീനർ ശ്രീ ജേക്കബ് വർഗീസ് അധ്യക്ഷത വഹിച്ച സമ്മേളനത്തിൽ, ജോയിന്റ് കൺവീനർ ശ്രീ കുമാർ തൃത്താല സ്വാഗതം ആശംസിച്ചു.

തനിമ ജനറൽ കൺവീനറും, മാക്‌ബത്തിന്റെ സംവിധായകനുമായ ശ്രീ ബാബുജി ബത്തേരി ആമുഖപ്രഭാഷണത്തിൽ നാടകകലയുടെ വൈശിഷ്ട്യങ്ങളെപ്പറ്റി വിവരിച്ചു. മാക്‌ബത്തിലെ അഭിനേതാക്കളായ ശ്രീ ബിനു .കെ. ജോൺ, ശ്രീ ഡി. കെ. ദിലീപ്, ശ്രീ കുമാർ തൃത്താല എന്നിവർ തങ്ങളുടെ നാടകാനുഭവങ്ങൾ പങ്കു വച്ചു. മാക്‌ബത്തിന്റെ സഹസംവിധായകൻ ശ്രീ വിജേഷ് വേലായുധൻ നന്ദി പ്രകാശനം നിർവഹിച്ചു.