ബജറ്റിൽ മാധ്യമപ്രവർത്തകരോട് അനുകൂല സമീപനം; സംസ്ഥാന സർക്കാരിനെ അഭിനന്ദിച്ച് പത്രപ്രവർത്തക യൂണിയൻ

തിരുവനന്തപുരം: സംസ്ഥാന ബജറ്റിൽ പത്രപ്രവർത്തക പെൻഷൻ ആയിരം രൂപ വർധിപ്പിച്ച് 11, 000 രൂപയാക്കിയും പത്രപ്രവർത്തക ആരോഗ്യ ഇൻഷുറൻസിനുള്ള സർക്കാർ വിഹിതം 50 ലക്ഷം രൂപയായി ഉയർത്തിയും മാധ്യമപ്രവർത്തകരോട് അനുകൂല സമീപനം സ്വീകരിച്ച മുഖ്യമന്ത്രി പിണറായി വിജയൻ, ധനമന്ത്രി തോമസ് ഐസക്ക്, എൽഡിഎഫ് കൺവീനർ എ വിജയരാഘവൻ എന്നിവരെ കേരള പത്രപ്രവർത്തക യൂണിയൻ അഭിനന്ദിച്ചു.

വനിത മാധ്യപ്രവർത്തകർക്ക് തിരുവനന്തപുരത്ത് താമസ സൗകര്യം ഉൾപ്പെടെയുള്ള ബജറ്റിലെ നിർദ്ദേശങ്ങൾ സ്വാഗതാർഹമാണെന്നും കെയുഡബ്ല്യുജെ സംസ്ഥാന പ്രസിഡന്റ് കെ പി റെജിയും ജനറൽ സെക്രട്ടറി ഇ എസ് സുഭാഷും പ്രസ്താവനയിൽ പറഞ്ഞു.