മലയാളത്തിൽ ഒരു സിനിമയിൽ പോലും അഭിനയിച്ചിട്ടില്ലെങ്കിലും എല്ലാ മലയാളികളുടെയും നാവിൻ തുമ്പത്തുള്ള പേരാണ് സണ്ണി ലിയോൺ. നാളുകളായി സണ്ണി മലയാളത്തിൽ എത്തുമെന്നു വാർത്തകൾ ഉണ്ടെങ്കിലും ഇതുവരെ ഒന്നിനും ഔദ്യോഗിക സ്ഥിരീകരണമില്ല. എന്നാൽ മലയാളി യുവാക്കളുടെ ഹരമായ സണ്ണിയെ മലയാളത്തിലെത്തിക്കാൻ പല സംവിധായകരും നിർമ്മാതാക്കളും സണ്ണിയെ ഇപ്പോഴും സമീപിക്കുന്നുമുണ്ട്.

എന്നാൽ കഴിഞ്ഞ ദിവസം ഡേറ്റിനായി സണ്ണിയെ സമീപിച്ച മലയാളത്തിലെ ഒരു സംവിധായകൻ സണ്ണിയുടെ ചോദ്യം കേട്ട് ഞെട്ടിയത്ര. സിനിമയുടെ ചർച്ചയ്ക്കായി സമീപിച്ച സംവിധായകനോട് 'ലാലേട്ടന്റെ കൂടെ അഭിനയിക്കാൻ പറ്റുമോ?' എന്ന് സണ്ണി ലിയോൺ ചോദിച്ചുവെന്നാണ് റിപ്പോർട്ട്.

മോഹൻലാലിനെക്കുറിച്ച്  നേരത്തെ തന്നെ ലഭിച്ച അറിവു വച്ചാണ് സണ്ണി ഇത്തരത്തിൽ ഒരു ചോദ്യം ചോദിച്ചത്. എന്തായാലും ഈ സംഭവം നിർമ്മാതാവിനെയും സംവിധായകനെയും ഞെട്ടിച്ചു. ഇവർ തങ്ങളുടെ സുഹൃത്തുക്കളോട് ഇതെക്കുറിച്ച് പറഞ്ഞതോടെയാണ് വിവരം പുറത്താകുന്നത്.

മമ്മൂട്ടി നായകനാകുന്ന മധുരരാജയിൽ സണ്ണിയുടെ ഐറ്റം ഡാൻസ് ഉണ്ടാവും എന്നാണ് ഏറ്റവും പുതിയതായി വരുന്ന വാർത്തകൾ. സിനിമയുടെ അണിയറക്കാർ ഇതു സ്ഥിരീകരിച്ചിട്ടില്ലെങ്കിലും ആരാധകർ ആവേശത്തിലാണ്.