ചെലവാക്കിയ കാശ് പോലും വേണ്ടെന്ന് വച്ച് സൂര്യ ഉപേക്ഷിച്ച ചിത്രം! ബാലയുടെ വണങ്കാന്‍ തിയേറ്ററുകളിലേക്ക്; അരുണ്‍ വിജയ് നായകന്‍
ചെന്നൈ: ഏറെ വിവാദങ്ങള്‍ക്കും കോലാഹങ്ങള്‍ക്കും ശേഷം സംവിധായകന്‍ ബാലയുടെ വണങ്കാന്‍ തിയേറ്ററുകളിലേക്ക്.സുര്യയുടെ പിന്മാറ്റത്തോടെ ഏറെ ചര്‍ച്ചയായ ചിത്രത്തില്‍ അരുണ്‍ വിജയിയാണ് പിന്നീട് നായകനായെത്തിയത്.മലയാളി താരം മമിത ബൈജവും ചിത്രത്തില്‍ പ്രധാനവേഷത്തില്‍ ഉണ്ടായിരുന്നെങ്കിലും പിന്നീട് പിന്മാറുകയായിരുന്നു.
ആക്ഷന്‍ പശ്ചാത്തലത്തിലാണ് ചിത്രം എന്നത് മാത്രമാണ് ടീസര്‍ നല്‍കുന്ന സൂചന. റോഷ്‌നി പ്രകാശ്, സമുദ്രക്കനി, മിഷ്‌കിന്‍, റിദ്ധ, ഛായാ ദേവി, ബാല ശിവജി, ഷണ്മുഖരാജന്‍, യോഹാന്‍ ചാക്കോ തുടങ്ങിയവരാണ് മറ്റുപ്രധാനവേഷങ്ങളില്‍.ബാലതന്നെയാണ് ചിത്രത്തിന്റെ തിരക്കഥയൊരുക്കിയിരിക്കുന്നത്.ബാല പിന്മാറിയതിന് പിന്നാലെ വി ഹൗസ് പ്രൊഡക്ഷന്റെ ബാനറില്‍ സുരേഷ് കാമാച്ചിയാണ് ചിത്രം നിര്‍മ്മാണം ഏറ്റെടുത്തത്.ജിവി പ്രകാശ് കുമാറാണ് ചിത്രത്തിന്റെ സംഗീതം. കന്യാകുമാരി പാശ്ചത്തലമാക്കിയാണ് ചിത്രം എത്തുന്നത്.
നേരത്തെ സൂര്യയെ നായകനായി പ്രഖ്യാപിച്ച് ഷൂട്ടിങ് തുടങ്ങുകയും ചെയ്ത ചിത്രമാണ് വണങ്കാന്‍. അതിന്റെ നിര്‍മ്മാണവും സൂര്യയുടെ 2ഡി പ്രൊഡക്ഷനായിരുന്നു. എമന്നാല്‍ പിന്നീട് സൂര്യ പിന്മാറുകയും ചെയ്ത ചിത്രം നിന്ന് പോവുകയും ചെയ്തിരുന്നു.
നടന്‍ സൂര്യയെ ബാല ഏറെ കഷ്ടപ്പെടുത്തിയതിനാലാണ് സൂര്യ ചിത്രത്തില്‍ നിന്നും പിന്‍മാറിയത് എന്ന് ചില വാര്‍ത്തകള്‍ പ്രചരിച്ചിരുന്നു.സിനിമയുടെ കഥ എന്താണ് എന്ന് ചോദിച്ചതിന് ബീച്ചില്‍ പൊരിവെയിലത്ത് മണിക്കൂറുകള്‍ സൂര്യയെ ബാല നടത്തിച്ചു.
നൂറുകണക്കിന് ജൂനിയര്‍ ആര്‍ടിസ്റ്റുകളുടെ മുന്നില്‍ വച്ച് ചീത്ത വിളിച്ചു.ഒടുക്കം രണ്ട് ദിവസത്തില്‍ സൂര്യ തീരുമാനത്തില്‍ എത്തി
ചിത്രത്തിന് ഇതുവരെ കോടികള്‍ ചിലവാക്കി എങ്കിലും വണങ്കാനുമായി മുന്നോട്ട് പോകേണ്ടെന്ന തീരുമാനമാണ് സൂര്യ എടുത്തത്. ഇതോടെ ബാലയ്ക്കും സൂര്യയ്ക്കും ഇടയിലുള്ള എല്ലാ ബന്ധവും അവസാനിച്ചുവെന്നാണ് സിനിമ നിരൂപകന്‍ ചെയ്യാറ് ബാലു സൂര്യ ചിത്രത്തില്‍ നിന്നും പിന്‍മാറിയത് സംബന്ധിച്ച് ഒരു അഭിമുഖത്തില്‍ പങ്കുവെച്ചത്.അതിന് പിന്നാലെയാണ് അരുണ്‍ വിജയ് ചിത്രത്തിലേക്ക് എത്തുന്നത്.
കഴിഞ്ഞ ദിവസമാണ് ചിത്രത്തിന്റെ ട്രെയ്ലര്‍ പുറത്ത് വിട്ടത്.അരുണ്‍ വിജയ് നായകനായ ചിത്രം ബാലയുടെ തന്നെ പിതാമഹനിലെ വിക്രത്തിന്റെ റോളിനെ ഓര്‍മ്മിപ്പിക്കുന്നതാണ് എന്നാണ് സോഷ്യല്‍ മീഡിയ പറയുന്നത്.
