ഇന്ത്യയുടെ വാനമ്പാടിക്കു 92' ; ലതാ മങ്കേഷ്‌കറിന് പിറന്നാൾ ആശംസകൾ നേർന്ന് പ്രധാനമന്ത്രിയും പ്രമുഖരും; ഇന്ത്യൻ സംസ്‌കാരത്തോടുള്ള ലതാമങ്കേഷ്‌കറിന്റെ വിനയത്തേയും അഭിനിവേശത്തേയും ബഹുമാനിക്കുന്നുവെന്ന് പ്രധാനമന്ത്രി

ന്യൂഡൽഹി: ഇന്ത്യയുടെ വാനമ്പാടിയും ഇതിഹാസ ഗായികയുമായ ലതാ മങ്കേഷ്‌കറിന് ഇന്ന് 92ാം പിറന്നാൾ. ആഘോഷങ്ങൾ ഒന്നും ഇല്ലാതെയാണ് പിറന്നാൾ ദിനം. എങ്കിലും സമൂഹത്തിന്റെ നാനാ തുറകളിലുള്ളവർ അവർക്ക് ആശംസകൾ നേർന്നു.

പ്രധാനമന്ത്രി നരേന്ദ്ര മോദി, ബോളിവുഡ് താരം ജൂഹി ചൗള, മധുർ ഭണ്ഡാർകർ, സരോദ് മാന്ത്രികൻ അംജദ് അലി ഖാൻ, തുടങ്ങി നിരവധി പ്രമുഖർ അവർക്ക് ആശംസകൾ അറിയിച്ചു.

'ബഹുമാനപ്പെട്ട ലതാ ദീദിക്ക് ജന്മദിനാശംസകൾ. അവരുടെ മാധുര്യമുള്ള ശബ്ദം ലോകമെമ്പാടും മുഴങ്ങുന്നു. ഇന്ത്യൻ സംസ്‌കാരത്തോടുള്ള അവരുടെ വിനയത്തേയും അഭിനിവേശത്തേയും ബഹുമാനിക്കുന്നു. വ്യക്തിപരമായി എനിക്ക് അവരുടെ അനുഗ്രഹങ്ങൾ വലിയ ശക്തിയുടെ ഉറവിടമാണ്. ലതാ ദീദിയുടെ ദീർഘവും ആരോഗ്യകരവുമായ ജീവിതത്തിനായി ഞാൻ പ്രാർത്ഥിക്കുന്നു'- പ്രധാനമന്ത്രി ആശംസകൾ നേർന്ന് ട്വിറ്ററിൽ കുറിച്ചു.