പി. എസ്. സി എൽ.ഡി.സി, ലാസ്റ്റ് ഗ്രേഡ് മെയിൻ പരീക്ഷകൾ മാറ്റി

തിരുവനന്തപുരം: ഒക്ടോബർ മാസം 23ാം തീയതി നടത്തുവാൻ നിശ്ചയിച്ചിരുന്ന ലോവർ ഡിവിഷൻ ക്ലാർക്ക് പരീക്ഷയും, 30ാം തീയതി നടത്തുവാൻ നിശ്ചയിച്ചിരുന്ന ലാസ്റ്റ് ഗ്രേഡ് സർവന്റസ്, ബോട്ട് ലാസ്‌കർ, സീമാൻ തുടങ്ങിയ തസ്തികകളുടെ പരീക്ഷയും മാറ്റിയതായി പിഎസ് സി അറിയിച്ചു.

ഒക്ടോബർ 23-ന് നടത്താനിരുന്ന എൽ.ഡി.സി പരീക്ഷ നവംബർ 20-ലേക്കും ഒക്ടോബർ 30-ന് നിശ്ചയിച്ചിരുന്ന ലാസ്റ്റ് ഗ്രേഡ് പരീക്ഷ നവംബർ 27-ലേക്കുമാണ് മാറ്റിയത്. സാങ്കേതിക കാരണങ്ങളാലാണ് പരീക്ഷാമാറ്റിവച്ചതെന്ന് പിഎസ് സി അറിയിപ്പിൽ പറയുന്നു. ജൂലായിലാണ് മെയിൻ പരീക്ഷാത്തീയതിയും സിലബസും പി.എസ്.സി പ്രസിദ്ധീകരിച്ചത്.