തിരുവനന്തപുരം: ലൈഫ് 2020 പദ്ധതിയുടെ ഭാഗമായി സ്വന്തമായി വീടു നിർമ്മിക്കാൻ ശേഷിയില്ലാത്ത ഭവനരഹിതർക്ക് ഓൺലൈനായി അപേക്ഷിക്കാനുള്ള അവസരം നാളെ (സെപ്തം. 9 ) വരെ മാത്രം.നിലവിലുള്ള ലൈഫ് മിഷൻ ഉൾപ്പെടാതിരുന്ന അർഹരായവരാണ് ലൈഫ് 2020 യിലേക്ക് അപേക്ഷ സമർപ്പിക്കേണ്ടത്. ജില്ലയിൽ ഇതുവരെ 50885 അപേക്ഷകളാണ് സമർപ്പിക്കപ്പെട്ടിട്ടുള്ളത്.

ഓൺലൈനായി സമയ പരിധിക്കുള്ളിൽ സമർപ്പിച്ച അപേക്ഷകൾ മാത്രം പരിഗണിച്ചാണ് ലൈഫ്' 2020 യുടെ ലിസ്റ്റ് തയ്യാറാക്കുന്നത്. പിന്നീട് സമർപ്പിക്കപ്പെടുന്ന അപേക്ഷകൾ പരിഗണിക്കുന്നതല്ല എന്നും അറിയിച്ചുകൊള്ളുന്നു.