പതിമൂന്നുകാരിയെ ബലാത്സംഗം ചെയ്തത് പ്രലോഭനങ്ങൾ നൽകി; ഭീഷണി പതിവായതോടെ എല്ലാം തുറന്ന് പറഞ്ഞ് പെൺകുട്ടിയും; ലോക്കോ പൈലറ്റ് അറസ്റ്റിലായത് ഇങ്ങനെ

കാൻപൂർ: പതിമൂന്നുകാരിയെ പ്രലോഭിപ്പിച്ച് ബലാത്സംഗം ചെയ്ത ലോക്കോ പൈലറ്റ് അറസ്റ്റിൽ. പ്രയാഗ് രാജ് സ്വദേശിയായ അഭിഷേക് പട്ടേൽ എന്നയാളാണ്അറസ്റ്റിലായത്. ഇയാൾ പെൺകുട്ടിയെ പ്രലോഭിപ്പിച്ച് ബലാത്സംഗം ചെയ്യുകയും ശേഷം ദൃശ്യങ്ങൾ മൊബൈലിൽ പകർത്തി ഭീഷണിപ്പെടുത്തുകയുമായിരുന്നു. ബ്ലാക്ക്‌മെയിലിങ് ആരംഭിച്ചതോടെ പെൺകുട്ടി ദുരനുഭവം വീട്ടുകാരോട് തുറന്നുപറയുകയായിരുന്നു. പെൺകുട്ടിയുടെ പിതാവിന്റെ പരാതിയിലാണ് അഭിഷേക് പട്ടേൽ അറസ്റ്റിലായത്.

പെൺകുട്ടിയെ ഇയാൾ തന്ത്രപൂർവം കെണിയിൽ വീഴ്‌ത്തുകയായിരുന്നു. പിന്നാലെ പെൺകുട്ടിയെ ബലാത്സംഗം ചെയ്യുകയായിരുന്നു. ഇതിന്റെ ദൃശ്യങ്ങൾ പകർത്തുകയും പിന്നാലെ ബ്ലാക്ക്‌മെയിൽ ചെയ്യുകയുമായിരുന്നു. ഇക്കാര്യം പുറത്തുപറഞ്ഞാൽ ഗുരുതരമായ പ്രത്യാഘാതം ഉണ്ടാകുമെന്നും ഇയാൾ പറഞ്ഞതായി പൊലീസ് സൂപ്രണ്ട് ദീപക് പറഞ്ഞു.

പോക്‌സോ ഉൾപ്പടെയുള്ള വകുപ്പുകൾ പ്രകാരം അറസ്റ്റ് ചെയ്ത പ്രതിയെ റിമാൻഡ് ചെയ്തു. ദൃശ്യങ്ങൾ പകർത്തിയ മൊബൈൽ ഫോൺ പൊലീസ് പിടിച്ചെടുത്തു. സംഭവത്തിൽ കൂടുതൽ അന്വേഷണം നടക്കുകയാണെന്ന് പൊലീസ് പറഞ്ഞു.