സൗത്ത് വെസ്റ്റ് ന്യൂകാസിലിന് സമീപം കൂറൻബോങിലെ എംവൺ മോട്ടോർ വെയിൽ എത്തനോൾ കയറ്റി വന്ന ടാങ്കർ മറ്റൊരു വാഹനവുമായി കൂട്ടിയിടിച്ച് അപകടത്തിൽ റോഡ് ഗതാഗതം തടസ്സപ്പെട്ടു. ടാങ്കർ മറ്റൊരു ട്രക്കുമായാണ് ഇടിച്ചത്. അപകടത്തെ തുടർന്ന് വാഹനത്തിന് തീപിടിച്ചതോടെ ആളുകൾ പരിഭ്രാന്തിയിലായി. തീയണക്കാനുള്ള ശ്രമം ഇപ്പോഴും തുടരുകയാണ്.

ഇന്ന് 12.48 ഓടെയാണ് അപകടം. എമർജൻസി സർവ്വീസ് ഉടൻ തന്നെ സ്ഥലത്തെത്തി നടപടികൾ കൈക്കൊണ്ടു. വൻ തീ ഉയർന്നതോടെ ഈ വഴിയുള്ള ഗതാഗതം പൂർണമായും നിരോധിച്ചിരിക്കുകയാണ്. ഹെലികോപ്ടർ സർവ്വീസുകൾ ഉൾപ്പെടെ തീയണക്കാനുള്ള ശ്രമം തുടരുകയാണ്.

മൂന്നോളം വാഹനങ്ങൾ അപകടത്തിൽപ്പെട്ടതായാണ് സൂചന. മൂന്ന് ഡ്രൈവർമാരെ ആശുപത്രിയിൽ പ്രവേശിപ്പിച്ചു. ഒരാളെ കാണാതായും റിപ്പോർട്ടുണ്ട്യ