വിക്രവും മകൻ ധ്രുവും ആദ്യമായി ഒരുമിച്ച്; 'മഹാൻ' ഇന്ന് രാത്രി എത്തും

വിക്രം മകൻ ധ്രുവ് വിക്രം എന്നിവരെ പ്രധാന കഥാപാത്രങ്ങളാക്കി കാർത്തിക് സുബ്ബരാജ് രചനയും സംവിധാനവും നിർവ്വഹിച്ചിരിക്കുന്ന മഹാൻ ഇന്ന് രാത്രി പ്രേക്ഷകരിലേക്ക്. ഡയറക്ട് ഒടിടി റിലീസ് ആയി ആമസോൺ പ്രൈം വീഡിയോയിലൂടെ എത്തുന്ന ചിത്രത്തിന്റെ പ്രീമിയർ ഇന്ന് രാത്രിയാണ്. 240ൽ ഏറെ രാജ്യങ്ങളിൽ ചിത്രം കാണാനാവും. ചിത്രത്തിന്റെ ട്രെയ്‌ലറും പാട്ടുകളുമൊക്കെ വലിയ പ്രേക്ഷക സ്വീകാര്യത നേടിയിരുന്നു.

ധനുഷ് നായകനായ ജഗമേ തന്തിരത്തിനു ശേഷം കാർത്തിക് സുബ്ബരാജിന്റെ സംവിധാനത്തിലെത്തുന്ന ചിത്രമാണിത്. ഒരു അദ്ധ്യാപകനിൽ നിന്നും ഗ്യാങ്സ്റ്റർ ആയി രൂപാന്തരപ്പെട്ട ഗാന്ധി മഹാൻ എന്ന കഥാപാത്രമായിട്ടാണ് വിക്രം സ്‌ക്രീനിൽ എത്തുന്നത്. ദാദ എന്നാണ് ധ്രുവി അവതരിപ്പിക്കുന്ന കഥാപാത്രത്തിന്റെ പേര്. ബോബി സിംഹ, സിമ്രാൻ, വാണി ഭോജൻ, സാനന്ദ്, വേട്ടൈ മുത്തുകുമാർ, ദീപക് പരമേഷ്, ആടുകളം നരേൻ, ഗജരാജ് എന്നിവർ മറ്റു കഥാപാത്രങ്ങളെ അവതരിപ്പിക്കുന്നു.

സെവൻ സ്‌ക്രീൻ സ്റ്റുഡിയോയുടെ ബാനറിൽ എസ് എസ് ലളിത് കുമാർ ആണ് ചിത്രത്തിന്റെ നിർമ്മാണം. ശ്രയസ് കൃഷ്ണയാണ് ഛായാഗ്രഹണം. എഡിറ്റിങ് വിവക് ഹർഷൻ, സംഗീതം സന്തോഷ് നാരായണൻ, സംഘട്ടനം ദിനേശ് സുബ്ബരായൻ