മഹാരാഷ്ട്രയിൽ രാത്രികാല കർഫ്യൂ പ്രഖ്യാപിച്ചു; നിയന്ത്രണങ്ങൾ ബ്രിട്ടനിൽ പുതിയ കോവിഡ് വകഭേദം കണ്ടെത്തിയതിന്റെ പശ്ചാത്തലത്തിൽ

മുംബൈ: മഹാരാഷ്ട്രയിൽ രാത്രികാല കർഫ്യൂ പ്രഖ്യാപിച്ചു. ബ്രിട്ടനിൽ പുതിയ കോവിഡ് വകഭേദം കണ്ടെത്തിയതിന്റെ പശ്ചാത്തലത്തിലാണ് നടപടി. രാത്രി 11 മുതൽ പുലർച്ച ആറു മണിവരെയാണ് നിയന്ത്രണമുള്ളത്. ജനുവരി അഞ്ച് വരെ സംസ്ഥാനത്തെ കോർപ്പറേഷൻ പരിധികളിലാണ് കർഫ്യൂ ഏർപ്പെടുത്തിയത്. ചൊവ്വാഴ്ച മുതൽ നിയന്ത്രണം പ്രാബല്യത്തിൽ വരുമെന്ന് മഹാരാഷ്ട്ര സർക്കാർ അറിയിച്ചു. യൂറോപ്പ്, പശ്ചിമേഷ്യൻ രാജ്യങ്ങളിൽ നിന്ന് മഹാരാഷ്ട്രയിലേക്ക് വരുന്ന യാത്രികർക്ക് ചൊവ്വാഴ്ച മുതൽ നിർബന്ധിത ക്വാറന്റൈൻ ഏർപ്പെടുത്തുമെന്നും അറിയിച്ചിട്ടുണ്ട്.