ന്യൂഡൽഹി: നജഫ്ഗഡ് ശ്രീ ഭഗവതി ക്ഷേത്രത്തിൽ മകരവിളക്ക് മഹോത്സവം  15 ന് (വെള്ളി) നടക്കും. പുലർച്ചെ 5.30ന് ക്ഷേത്ര മേൽശാന്തി ഉമേഷ് അടികളുടെ കാർമികത്വത്തിൽ മഹാ ഗണപതി ഹോമത്തോടെ ചടങ്ങുകൾ ആരംഭിക്കുക. മഹോത്സവത്തോടനുബന്ധിച്ചു വിശേഷാൽ പൂജകളും ഉണ്ടാവും. തുടർന്ന് വികാസ്പുരി തത്ത്വമസി അവതരിപ്പിക്കുന്ന ഭജനയും ലഘുഭക്ഷണവും ഉണ്ടാകുമെന്ന് ഭാരവാഹികൾ അറിയിച്ചു.

വൈകുന്നേരം 6.30നു മഹാ ദീപാരാധനയെ തുടർന്ന് ശ്രീ ഭഗവതി ഭജന സമിതിയുടെ ഭജന, പ്രസാദ വിതരണം, ലഘുഭക്ഷണം എന്നിവയുമുണ്ട്.

വിവരങ്ങൾക്ക്: യശോധരൻ നായർ 9811219540.

റിപ്പോർട്ട്: പി.എൻ. ഷാജി