മാക്കൂട്ടം ചുരത്തിൽ മിനിപിക്കപ്പ് വാന്മറിഞ്ഞ് രണ്ടു പേർക്ക് പരുക്കേറ്റു; അപകടത്തിൽ പെട്ടത് വീരാജ്പേട്ടയിൽ നിന്നും കുരുമുളക് കയറ്റിവന്ന വാഹനം

ഇരിട്ടി : മാക്കൂട്ടം ചുരത്തിൽ മിനി പിക്കപ്പ് വാൻ മറിഞ്ഞ് ഡ്രൈവർക്കും സഹായിക്കും പരിക്കേറ്റു. ഉളിക്കൽ സ്വദേശിയും വാഹന ഉടമയുമായ സൽമാൻ , സഹായി സന്ദീപ് എന്നിവർക്കാണ് പരിക്ക് പറ്റിയത്. ഇവരെ ഇരിട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

വീരാജ്പേട്ടയിൽ നിന്നും കുരുമുളക് കയറ്റിവന്ന വാഹനമാണ് മാക്കൂട്ടം കാക്കത്തോട് അമ്പലത്തിനു സമീപം കലുങ്കിൽ ഇടിച്ച് മറിഞ്ഞത്. ഇരിട്ടിയിൽ നിന്നും ആംബുലൻസ് സ്ഥലത്തെത്തിയാണ് പരിക്കേറ്റവരെ ഇരിട്ടിയിലെ സ്വകാര്യ ആശുപത്രിയിൽ എത്തിച്ചത് . അപകട വിവരമറിഞ്ഞ് ഇരിട്ടിയിൽ നിന്നുള്ള ഫയർഫോഴ്സും മാക്കൂട്ടത്ത് എത്തി. സന്ദീപിന് തലയ്ക്കും കാലിനുമാണ് പരിക്ക് .