ഡബ്ലിൻ: ആദ്യാക്ഷരം കുറിച്ച് അറിവിന്റെ ലോകത്തേക്ക് കടക്കാൻതയ്യാറെടുക്കുന്ന അയർലണ്ടിലെ കുരുന്നുകൾക്ക് ''മലയാളം'' സംഘടനയുടെ നേതൃത്വത്തിൽ വിജയദശമി നാളായ ഒക്ടോബർ പതിനൊന്ന് ചൊവ്വാഴ്ച വിദ്യാരംഭം സംഘടിപ്പിക്കുന്നു. തുടർച്ചയായി എട്ടാമതു തവണ പരമ്പരാഗത രീതിയിൽ ഒരുക്കുന്ന വിദ്യാരംഭവും മെറിറ്റ് ഈവനിംഗും താല പ്ലാസാ ഹോട്ടലിൽ വച്ചാണ് സംഘടിപ്പിക്കുന്നത്.

കേരളത്തിലെ പ്രശസ്തരായ ഒട്ടേറെ വ്യക്തികൾ മുൻവർഷങ്ങളിൽ അയർലണ്ടിലെ കുരുന്നുകൾക്ക് ഹരിശ്രീ കുറിക്കാനായി എത്തിയിട്ടുണ്ട്. ഇത്തവണ ആദ്യാക്ഷരങ്ങൾ പകർന്നു നൽകുന്നത് പുതുതലമുറയിലെ മലയാളിചെറുകഥാകൃത്തും നോവലിസ്റ്റുമായ ബെന്യാമിനാണ്. ആടുജീവിതം എന്ന നോവലിനു 2009 ലെ മികച്ച നോവലിനുള്ള കേരള സാഹിത്യ അക്കാദമി
പുരസ്‌കാരം ബെന്യാമിനെ തേടിയെത്തി. പെൺമാറാട്ടം എന്ന കഥാസമാഹാരവുംഅബീശഗിൻ, പ്രവാചകന്മാരുടെ രണ്ടാം പുസ്തകം, അക്കപ്പോരിന്റെ ഇരുപത്‌നസ്രാണി വർഷങ്ങൾ, മഞ്ഞവെയിൽ മരണങ്ങൾ തുടങ്ങിയ ഏഴ് നോവലുകളുംവ്യത്യസ്തങ്ങളായ വായനാനുഭ വങ്ങളാണ് മലയാളികൾക്ക് പകർന്നത്.

വിദ്യാരംഭത്തെ തുടർന്ന് നടക്കുന്ന മെരിറ്റ് ഈവനിങ് ചടങ്ങിൽ വച്ച് ഈ വർഷം ജൂനിയർ സെർട്ട്, ലിവിങ്‌സെർട്ട് പരീക്ഷകളിൽ അയർലണ്ടിൽ നിന്ന് ഉയർന്നമാർക്ക് കരസ്ഥമാക്കിയ മലയാളി കുട്ടികളെ അനുമോദിക്കുന്നു. ഓരോവിഭാഗത്തിൽ നിന്നും അഭിമാനാർഹമായ നേട്ടം കൈവരിച്ച അഞ്ചു കുട്ടികൾക്ക് പ്രസ്തുത ചടങ്ങിൽ വച്ച് മലയാളം രൂപകൽപ്പന ചെയ്ത മെമന്റൊ
നൽകുന്നതാണ്. ജൂനിയർസെർട്ട്, ലിവിങ്‌സെർട്ട് പരീക്ഷകളിൽ ഉയർന്നവിജയം നേടിയ കുട്ടികളും,വിദ്യാരംഭം ചടങ്ങിൽ പങ്കെടുക്കാൻ ആഗ്രഹിക്കുന്ന കുട്ടികളുടെ മാതാപിതാക്കളും പേര് രജിസ്റ്റർ ചെയ്യേണ്ടതാണ്.

വിദ്യാരംഭ ചടങ്ങിലേക്കും തുടർന്ന് നടക്കുന്ന മെറിറ്റ് ഈവനിംഗിലും സാഹിത്യ സെമിനാറി ലേക്കും ഏവർക്കും സ്വാഗതം.

കൂടുതൽ വിവരങ്ങൾക്ക് ബന്ധപ്പെടുക: വർഗീസ് ജോയ്- 089 466 2664, മിട്ടു ഷിബു- 087 329 8542, സെബി സെബാസ്റ്റ്യൻ 087 226 3917, സുജ ഷജിത്ത്- 087 667 8756, വി. ഡി രാജൻ -087 0573885