കോവിഡ് ബാധിച്ച് ചികിത്സയിലായിരുന്ന പ്രവാസി മലയാളി മരിച്ചു

മസ്‌കത്ത്: മലപ്പുറം വടപ്പുറം സ്വദേശി കോവിഡ് ബാധിച്ച് ഒമാനിലെ സലാലയിൽ മരണപ്പെട്ടു. വടപ്പുറം പാലപ്പറമ്പ് സ്വദേശി കാറ്റുമുണ്ട നാരായണൻ മകൻ പ്രജീഷ് നാരായണൻ (42) ആണ് മരിച്ചത്. സനായിയ്യയിൽ ഒരു സ്വകാര്യ വർക് ഷോപ്പിലെ ജീവനക്കാരനായിരുന്ന പ്രജീഷ് കഓഗസ്റ്റ് മൂന്ന് മുതൽ സുൽത്താൻ ഖാബൂസ് ആശുപത്രിയിൽ ചികിത്സയിലായിരുന്നു.

കഴിഞ്ഞ 16 വർഷമായി സലാലയിൽ പ്രവാസിയായിരുന്നു. ഭാര്യ - സുചിത്ര പൂവത്തുംപറമ്പിൽ. മൃതദേഹം കോവിഡ് പ്രോട്ടോക്കോൾ പ്രകാരം സലാലയിൽ സംസ്‌കരിക്കുമെന്ന് ബന്ധപ്പെട്ടവർ അറിയിച്ചു.