തന്റെ മകൾ മലിയയെ ഈ വർഷം ഓഗസ്റ്റിൽ ഹാർവാർഡ് യൂണിവേഴ്സിറ്റിയിൽ പഠിക്കാനായി അവിടുത്തെ ഹോസ്റ്റലിൽ ആക്കി മടങ്ങുമ്പോൾ മുൻ അമേരിക്കൻ പ്രസിഡന്റ് ബരാക് ഒബാമയും ഭാര്യ മിഷെലും കണ്ണീരോടെയായിരുന്നു മടങ്ങിയത്. എന്നാൽ ആ അവസരത്തിൽ ഒബാമ കരഞ്ഞത് വെറുതെയല്ലെന്നാണ് ഏറ്റവും പുതിയ റിപ്പോർട്ട് വെളിപ്പെടുത്തുന്നത്. ഹാർവാർഡിൽ പഠിക്കുന്ന മലിയ അജ്ഞാതപുരുഷനെ തുടർച്ചയായി ചുംബിക്കുന്നതും സിഗററ്റ് വലിക്കുന്നതുമായ ദൃശ്യങ്ങൾ പുറത്ത് വന്നിരിക്കുകയാണിപ്പോൾ. ഇതിന്റെ ഫോട്ടോയും വീഡിയോയും വൈറലാകുന്നുമുണ്ട്.

ഹാർവാർഡിൽ വർഷം തോറും നടന്ന് വരുന്ന യാലെ ഗെയിമിനിടെയായിരുന്നു മലിയ ഒരു അന്യപുരുഷനെ ചുംബിച്ചത്. വിവിധ കോളജുകൾ പങ്കെടുക്കുന്ന ഈ മത്സരങ്ങളിൽ പങ്കെടുക്കുന്നവരും കാണികളുമായ വിദ്യാർത്ഥികൾ വളരെ വീറും വാശിയുമാണ് പ്രകടിപ്പിക്കാറുള്ളത്. അജ്ഞാതനായ പുരുഷനുമായി അടുത്തിടപഴകി ചുംബിക്കുന്ന മലിയയുടെ ദൃശ്യങ്ങളാണ് പുറത്ത് വന്നിരിക്കുന്നത്. ചുംബനത്തിന് മുമ്പ് മലിയ ഇയാളെ ചുറ്റിപ്പിടിക്കുന്നുമുണ്ട്. ഏതാണ്ട് ആറടിയോളം ഉയരമുള്ളയാളാണ് മലിയയുടെ കൂട്ടുകാരൻ എന്നാണീ ഫോട്ടോകളും വീഡിയോയും വെളിപ്പെടുത്തുന്നത്.

മറ്റൊരു ഫോട്ടോയിലാണ് മത്സരത്തിനിടെ മലിയ സിഗററ്റ് വലിക്കുന്നത് വെളിപ്പെട്ടിരിക്കുന്നത്. ഇക്കാര്യത്തിൽ തന്റെ പിതാവിന്റെ പഴയ ദുശ്ശീലം മലിയയുടം പിന്തുടരുകയാണ്. ഇതിന് മുമ്പ് 2016ലെ ലോല്ലപലൂസ ഇവന്റിനിടെ മലിയ സിഗററ്റ് വലിക്കുന്ന ചിത്രങ്ങൾ വൈറലായിരുന്നു. ശനിയാഴ്ച പുറത്ത് വന്ന മലിയയുടെ പുതിയ ഫോട്ടോകളിൽ വലുപ്പമുള്ള പഫർ കോട്ടും വെള്ള ലെഗിങ്സും, ബൂട്ടുകളുമാണ് ധരിച്ചിരിക്കുന്നത്. ഹാർവാർഡ് 'എച്ച്' എന്ന് മുൻഭാഗത്ത് എഴുതിയ ടാൻ ബക്കറ്റ് തൊപ്പിയും മലിയ ധരിച്ചിരുന്നു.

മലിയയെ ചുംബിക്കുന്ന യുവാവ് ബ്ലാക്ക് ജാക്കറ്റാണ് ധരിച്ചിരിക്കുന്നത്. ഇതിന് പുറമെ റെഡ് ലോംഗ് സ്ലീവ് ഹാർവാർഡ് ടി-ഷർട്ടും ബ്ലാക്ക് ജീൻസും ബ്ലാക്ക് സ്നീക്കേർസും ഇയാൾ ധരിച്ചിരിക്കുന്നു. തന്റെ മക്കളായ മലിയയും സാഷയും ഡേറ്റിങ് ആരംഭിച്ചുവെന്ന് ഒരു വർഷം മുമ്പ് ഒബാമ വെളിപ്പെടുത്തിയിരുന്നു. എന്നാൽ തന്റെ മക്കൾക്ക് സീക്രട്ട് സർവീസ് സുരക്ഷയുള്ളതിനാൽ ഇക്കാര്യത്തിൽ അവരെക്കുറിച്ചോർത്ത് തനിക്ക് ആശങ്കയില്ലെന്നും ഒബാമ പറഞ്ഞിരുന്നു.