തിരുവനന്തപുരം: ഫഹദ് ഫാസിലിനെ നായകനാക്കി മഹേഷ് നാരായണൻ സംവിധാനം ചെയ്ത ബിഗ് ബജറ്റ് ചിത്രം 'മാലിക്കി'ന്റെ റിലീസ് തീയതി പ്രഖ്യാപിച്ചു. കൊവിഡിന്റെ പശ്ചാത്തലത്തിൽ ചിത്രം ആമസോൺ പ്രൈമിലാണ് റിലീസ് ചെയ്യുന്നത്. ജൂലൈ 15ന് ചിത്രം പ്രേക്ഷകരിലേക്ക് എത്തും.

മാലിക് 2019 സെപ്റ്റംബറിൽ ചിത്രീകരണം തുടങ്ങിയതാണ്. ഈ ചിത്രങ്ങൾ തിയറ്ററുകൾ റിലീസ് ചെയ്യുന്നതിനായി പരമാവധി ശ്രമിച്ചിരുന്നു. കോവിഡ് വ്യാപനം കുറയുകയും സെക്കന്റ് ഷോ നടപ്പാവുകയും ചെയ്തതിനാൽ മരക്കാറിനൊപ്പം മാലിക്കും 2021 മെയ് 13ന് റിലീസിന് തയ്യാറെടുത്തതാണ്. നിർഭാഗ്യവശാൽ കോവിഡ് വ്യാപനം കൂടുകയും വീണ്ടും തിയറ്ററുകൾ അടച്ചിടുന്ന സാഹചര്യം ഉണ്ടാവുകയും ചെയ്തു.

27 കോടിയോളം മുതൽമുടക്കുള്ള മാലിക് ആന്റോ ജോസഫ് ഫിലിം കമ്പനിയുടെ ബാനറിൽ ആന്റോ ജോസഫ് ആണ് നിർമ്മിക്കുന്നത്. ജോജു ജോർജ്, ദിലീഷ് പോത്തൻ, വിനയ് ഫോർട്ട്, നിമിഷ സജയൻ, പതിനെട്ടാം പടിയിലൂടെ ശ്രദ്ധേയനായ ചന്ദുനാഥ് എന്നിവരും മാലിക്കിലുണ്ട്. ടേക്ക് ഓഫിന് ശേഷം സാനു ജോൺ വർഗീസ് മഹേഷ് നാരായണന് വേണ്ടി ഫ്രെയിമുകൾ ഒരുക്കുന്നു. സംഗീതം ഒരുക്കിയിരിക്കുന്നത് സുഷിൻ ശ്യാമാണ്.

'മാലിക്' റിലീസ്

മറുനാടന്‍ മലയാളി

    മറുനാടന്‍ മലയാളി ബ്യൂറോ