ലക്‌നോ: പ്രധാനമന്ത്രി നരേന്ദ്ര മോദി സ്വത്തുക്കൾ വെളിപ്പെടുത്തണമെന്നു പശ്ചിമ ബംഗാൾ മുഖ്യമന്ത്രി മമത ബാനർജി. മോദി ഏകാധിപതിയാണെന്നും മമത വിമർശിച്ചു. സാധാരണക്കാരന്റെ ഭരണഘടനാ അവകാശങ്ങൾ മോദി ഇല്ലാതാക്കിയിരിക്കുകയാണ്. നോട്ട് പിൻവലിക്കലിനുശേഷം വ്യാപാരസ്ഥാപനങ്ങളും കാർഷികമേഖലയും സ്തംഭനാവസ്ഥയിലാണ്. അതുകൊണ്ടുതന്നെ കേന്ദ്രസർക്കാർ തീരുമാനത്തിനെതിരായ പോരാട്ടം തുടരും. എംപിമാരോടും നേതാക്കളോടും ബാങ്ക് അക്കൗണ്ട് വിവരങ്ങൾ അറിയിക്കാൻ നിർദ്ദേശം നൽകിയതിനൊപ്പം തന്നെ മോദിയും അമിത്ഷായും തങ്ങളുടെ അക്കൗണ്ട് വിവരങ്ങൾ വെളിപ്പെടുത്താൻ തയാറാകണമെന്നും മമത ആവശ്യപ്പെട്ടു. നോട്ട് നിരോധനത്തിനു തൊട്ടുമുമ്പ് അമിത്ഷായുടെയും ബിജെപി നേതാക്കളുടെയും പേരിൽ ആയിരക്കണക്കിന് ഏക്കർ ഭൂമിയാണ് രാജ്യത്തുടനീളം വാങ്ങിക്കൂട്ടിയത്. നോട്ട് നിരോധിക്കൽ തീരുമാനത്തിലൂടെ അടിയന്തരാവസ്ഥയ്ക്കു സമാനമായ സാഹചര്യമാണ് രാജ്യത്ത് സംജാതമായിരിക്കുന്നതെന്നും മമത വിമർശിച്ചു.
ലക്‌നോ: പ്രധാനമന്ത്രി നരേന്ദ്ര മോദി സ്വത്തുക്കൾ വെളിപ്പെടുത്തണമെന്നു പശ്ചിമ ബംഗാൾ മുഖ്യമന്ത്രി മമത ബാനർജി. മോദി ഏകാധിപതിയാണെന്നും മമത വിമർശിച്ചു. സാധാരണക്കാരന്റെ ഭരണഘടനാ അവകാശങ്ങൾ മോദി ഇല്ലാതാക്കിയിരിക്കുകയാണ്. നോട്ട് പിൻവലിക്കലിനുശേഷം വ്യാപാരസ്ഥാപനങ്ങളും കാർഷികമേഖലയും സ്തംഭനാവസ്ഥയിലാണ്. അതുകൊണ്ടുതന്നെ കേന്ദ്രസർക്കാർ തീരുമാനത്തിനെതിരായ പോരാട്ടം തുടരും. എംപിമാരോടും നേതാക്കളോടും ബാങ്ക് അക്കൗണ്ട് വിവരങ്ങൾ അറിയിക്കാൻ നിർദ്ദേശം നൽകിയതിനൊപ്പം തന്നെ മോദിയും അമിത്ഷായും തങ്ങളുടെ അക്കൗണ്ട് വിവരങ്ങൾ വെളിപ്പെടുത്താൻ തയാറാകണമെന്നും മമത ആവശ്യപ്പെട്ടു.
നോട്ട് നിരോധനത്തിനു തൊട്ടുമുമ്പ് അമിത്ഷായുടെയും ബിജെപി നേതാക്കളുടെയും പേരിൽ ആയിരക്കണക്കിന് ഏക്കർ ഭൂമിയാണ് രാജ്യത്തുടനീളം വാങ്ങിക്കൂട്ടിയത്. നോട്ട് നിരോധിക്കൽ തീരുമാനത്തിലൂടെ അടിയന്തരാവസ്ഥയ്ക്കു സമാനമായ സാഹചര്യമാണ് രാജ്യത്ത് സംജാതമായിരിക്കുന്നതെന്നും മമത വിമർശിച്ചു.
