27വർഷം മുൻപ് അഭിനയിച്ച നയം വ്യക്തമാക്കുന്നു എന്ന സിനിമയ്ക്ക് ശേഷം വീണ്ടും രാഷ്്ട്രീയക്കാരന്റെ വേഷമണിയാനൊരുങ്ങകയാണ് മമ്മൂട്ടി. ഇത്തവണ വെറും മന്ത്രിയല്ല കേരള മുഖ്യമന്ത്രിയായി തന്നെയാണ് സൂപ്പർതാരം എത്തുന്നത്. ബോബി-സഞ്ജയ് തിരക്കഥ എഴുതുന്ന സന്തോഷ് വിശ്വനാഥൻ സംവിധാനം ചെയ്യുന്ന ചിത്രത്തിലാണ് മമ്മൂട്ടി കേരള മുഖ്യമന്ത്രിയായി എത്തുന്നത്.

ചിറകൊടിഞ്ഞ കിനാവുകൾ എന്ന സിനിമക്ക് ശേഷം സന്തോഷ് വിശ്വനാഥ് സംവിധാനം ചെയ്യുന്ന സിനിമയാണ് മമ്മൂട്ടി പ്രധാന കഥാപാത്രത്തെ അവതരിപ്പിക്കുക.. പൊളിറ്റിക്കൽ ത്രില്ലർ ആയി ഒരുങ്ങുന്ന ഈ ചിത്രം ഈ വർഷാവസാനമാണ് ചിത്രീകരണം ആരംഭിക്കുന്നത്. നിലവിൽ ഏറ്റെടുത്ത സിനിമകൾക്ക് ശേഷമാണ് ചിത്രീകരണം ആരംഭിക്കുക.

മലയാളത്തിൽ ആദ്യമായാണ് മുഖ്യമന്ത്രിയായി മമ്മൂട്ടി എത്തുന്നത്. മുമ്പ് തമിഴ് സിനിമയായ 'മക്കൾ ആട്ച്ചി'യിൽ അദ്ദേഹം മുഖ്യമന്ത്രിയായിരുന്നു. മമ്മൂട്ടി ഈ സിനിമ ഏറ്റെടുത്തില്ലായിരു ന്നെങ്കിൽ സിനിമ ഒഴിവാക്കുമായിരുന്നെന്നാണ് സംവിധായകൻ സന്തേഷ് വിശ്വനാഥ് പറഞ്ഞത്.

മമ്മൂട്ടിക്ക് പുറമേ വിഷ്ണു ഉണ്ണികൃഷ്ണനും ശ്രീനിവാസനും ചിത്രത്തിൽ പ്രധാന വേഷങ്ങൾ കൈകാര്യം ചെയ്യും. അതേ സമയം ആന്ധ്രപ്രദേശ് മുഖ്യമന്ത്രിയായിരുന്ന വൈ.എസ്.ആർ റെഡ്ഡിയുടെ ജീവിതത്തെ ആസ്പദമാക്കി ഒരുക്കുന്ന ചിത്രത്തിൽ മമ്മൂട്ടി നായകനായേക്കും എന്ന് സൂചനയുണ്ട്. മാഹി വി രാഘവ് സംവിധാനം ചെയ്യുന്ന ചിത്രത്തെക്കുറിച്ചുള്ള ചർച്ചകൾ പുരോഗമിക്കുകയാണ്.