തിരുവല്ല: ബൈക്ക് പാർക്ക് ചെയ്യുന്നത് സംബന്ധിച്ചുണ്ടായ തർക്കത്തിനിടെ രണ്ടുപേരെ കുത്തിപ്പരിക്കേൽപിച്ച കേസിൽ യുവാവിനെ തിരുവല്ല പൊലീസ് അറസ്റ്റ് ചെയ്തു. പെരുംത്തുരുത്തി കല്ലുകടവ് നെടുംപറമ്പിൽ വീട്ടിൽ ഷിബു തോമസ് (26) ആണ് അറസ്റ്റിലായത്.

നാലുകോടി വടക്കേക്കര വീട്ടിൽ സതീഷ് കുമാർ, സുഹൃത്ത് അനീഷ് എന്നിവരെ കുത്തിപ്പരിക്കേൽപിച്ച കേസിലാണ് അറസ്റ്റ്. കഴിഞ്ഞമാസം 28ന് പുലർച്ചയായിരുന്നു സംഭവം. സതീഷ് കുമാറിന്റെ സുഹൃത്തായ സജീവിന്റെ വീട്ടുമുറ്റത്ത് ഷിബു തോമസ് ബൈക്ക് പാർക്ക് ചെയ്യുന്നത് എതിർത്തതിനെ തുടർന്നായിരുന്നു ആക്രമണം. വാക്കേറ്റത്തിനൊടുവിൽ കൈയിൽ കരുതിയ കത്തി ഉപയോഗിച്ച് ഷിബു ഇരുവരെയും കുത്തുകയായിരുന്നു. പരിക്കേറ്റ ഇരുവരും കോട്ടയം മെഡിക്കൽ കോളജ് ആശുപത്രിയിൽ ചികിത്സതേടി.

സംഭവശേഷം ഒളിവിൽപോയ പ്രതിയെ കോട്ടയത്തെ ബന്ധുവീട്ടിൽനിന്ന് ചൊവ്വാഴ്ച പുലർച്ചയോടെ പിടികൂടുകയായിരുന്നു. തിരുവല്ല കോടതിയിൽ ഹാജരാക്കി റിമാൻഡ് ചെയ്തു.

 

 

അറസ്റ്റ്യുവാവ്