കാരാപ്പുഴ ഡാമിൽ യുവാവ് മുങ്ങി മരിച്ചു; അപകടം, കുളിക്കുന്നതിനിടെയെന്ന് പ്രാഥമിക നിഗമനം

വയനാട്: വയനാട് കാരാപ്പുഴ ഡാമിൽ യുവാവ് മുങ്ങി മരിച്ചു. വാഴവറ്റ കുറമ കോളനിയിലെ ശശിയുടെ മകൻ അശ്വിനാണ് മരിച്ചത്. കുളിക്കുന്നതിനിടെയാണ് അപകടമുണ്ടായതെന്നാണ് പ്രാഥമിക നിഗമനം.

സ്വകാര്യ റിസോർട്ടിന് സമീപത്തെ വെള്ളക്കെട്ടിൽ അശ്വിൻ അകപ്പെടുകയായിരുന്നു. കൽപ്പറ്റ ഫയർഫോഴ്‌സും നാട്ടുകാരും ചേർന്ന് നടത്തിയ തെരച്ചിലിലാണ് മൃതദേഹം കണ്ടെത്തിയത്. പോസ്റ്റ്‌മോർട്ടം നടപടികൾക്കായി മൃതദേഹം ബത്തേരി ഗവ. ആശുപത്രിയിലേക്ക് മാറ്റി.