കോഴിക്കോട്: ആനക്കാംപൊയിൽ മുത്തപ്പൻപുഴ തേൻപാറ ഒലിച്ചുചാട്ടത്തിൽ യുവാവിനെ മരിച്ചനിലയിൽ കണ്ടെത്തി. കൂടരഞ്ഞി മഞ്ഞക്കടവ് തുവക്കുന്ന് രാജൻ-വസന്ത ദമ്പതികളുടെ മകൻ രജിൻ രാജനെ(19) യാണ് പുഴയിൽ മരിച്ചനിലയിൽ കണ്ടെത്തിയത്. ആനക്കാംപൊയിലിൽ വാഴ തോട്ടത്തിൽ ജോലി ചെയ്യുന്ന രജിൻ രാവിലെ ഏഴുമണിയോടെ ബന്ധുവിനൊപ്പം പുഴയിലെ കുളിക്കടവിൽ പോയിരുന്നു.

തിരിച്ചു വരാൻ വൈകിയതിനെ തുടർന്ന് ബന്ധു നടത്തിയ തിരച്ചിലിൽ കുളിക്കടവിന് സമീപം വെള്ളത്തിൽ കമിഴ്ന്ന് കിടക്കുന്ന നിലയിൽ കണ്ടെത്തുകയായിരുന്നു. ഉടൻതന്നെ തിരുവമ്പാടിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. മൃതദേഹം കോഴിക്കോട് മെഡിക്കൽ കോളജ് മോർച്ചറിയിലേക്കു മാറ്റി.

 

 

യുവാവ്രജിൻ രാജൻ