ഒറിഗൺ: സോഷ്യൽ മീഡിയയിൽ ഒബാമയെ വധിക്കുമെന്നു ഭീഷണി മുഴക്കിയ 62വയസുകാരൻ ജോൺ റൂസിനു ഇനി അഞ്ചുവർഷത്തിലധികം ജയിലിൽകഴിയേണ്ടിവരും. യു.എസ് ഡിസ്ട്രിക്ട് കോർട്ട് ജഡ്ജി മൈക്കിൾ മെയ്12-നു വെള്ളിയാഴ്ചയാണ് വിധി പ്രഖ്യാപിച്ചത്.

ഭീഷണിപ്പെടുത്തി ട്വിറ്ററിലും ഫേസ്‌ബുക്കിലും ഇട്ട പോസ്റ്ററുകൾ ഇത്രയുംഗൗരവമായിരിക്കു മെന്നു കരുതിയില്ലെന്നു പ്രതി കോടയിൽ പറഞ്ഞു. കൈയിൽതോക്കേന്തി പോസ്റ്റ് ചെയ്ത സന്ദേശത്തിൽ (ഫേസ്‌ബുക്ക്) എഫ്ബിഐഏജന്റിനെതിരേയും ഭീഷണി മുഴക്കിയിരുന്നു. എന്തായാലും സോഷ്യൽ മീഡിയയിൽഇത്തരം പ്രചാരണം നടത്തുന്നവർക്ക് ഒരു മുന്നറിയിപ്പു കൂടിയാണ് ഈ വിധിപ്രഖ്യാപനം. കളി കാര്യമായപ്പോൾ പ്രതിക്ക് ലഭിച്ച ശിക്ഷ 63 മാസമാണ്.

അഞ്ചുവർഷത്തെ ശിക്ഷാ കാലാവധി പൂർത്തീകരിച്ചതിനുശേഷം മൂന്നുവർഷംപൊലീസിന്റെ നിരീക്ഷണത്തിൽ കഴിയേണ്ടിവരുമെന്നു യുഎസ്ഡിപ്പാർട്ട്മെന്റ് ഓഫ് ജസ്റ്റീസിന്റെ പത്രക്കുറിപ്പിൽ പറയുന്നു