മന്നം ജയന്തി ഇന്ന്; ആഘോഷങ്ങളിൽ ഒഴിവാക്കി ലളിതമായ ചടങ്ങുകൾ; താലൂക്ക് യൂണിയനുകളിലും സംസ്ഥാനത്തെ കരയോഗങ്ങളിലും പുഷ്പാർച്ചന മാത്രം

ചങ്ങനാശേരി: സമുദായാചാര്യൻ മന്നത്തു പത്മനാഭന്റെ 144-ാം ജയന്തി നായർ സർവീസ് സൊ സൈറ്റിയുടെ നേതൃത്വത്തിൽ ഇന്ന് സംസ്ഥാനവ്യാപകമായി ആചരിക്കും. കോവിഡ് മൂലം ഇത്ത വണ ആഘോഷ പരിപാടികൾ പൂർണ്ണമായും ഒഴിവാക്കിയിട്ടുണ്ട്.പെരുന്നയിലെ മന്നം സമാധി മണ്ഡപത്തിൽ രാവിലെ 7.30ന് പുഷ്പാർച്ചന ആരംഭിക്കും. ജനറൽ സെക്രട്ടറി ജി.സുകുമാ രൻ നായർ നേതൃത്വം നൽകും

ഇതിനുപുറമെ 60 താലൂക്ക് യൂണിയനുകളിലും സംസ്ഥാനത്തെ കരയോഗങ്ങളിലും എൻഎസ്എസ് സ്ഥാപനങ്ങളിലും ലളിതമായ ചടങ്ങുകളോടെ ജന്മദിനാചരണം നടത്തും. എല്ലാ കേന്ദ്രങ്ങളിലും രാവിലെ 11ന് സമുദായാചാര്യന്റെ ചിത്രത്തിനു മുൻപിൽ നിലവിളക്ക് തെളിക്കുകയും പുഷ്പാർച്ചന നടത്തുകയും ചെയ്യും.കോവിഡ് നിബന്ധനകൾ പാലിച്ചുകൊണ്ടായിരിക്കും ചടങ്ങുകൾ