വെള്ളരിക്കാ പട്ടണവുമായി സൗബിനും മഞ്ജുവും; ഫസ് ലുക്ക് പോസ്റ്റർ പുറത്ത്

മഞ്ജു വാര്യരും സൗബിൻ ഷാഹിറും ഒന്നിക്കുന്ന ഏറ്റവും പുതിയ ചിത്രം വെള്ളരിക്കാ പട്ടണത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. രസകരമായ കാരിക്കേച്ചർ ശൈലിയിലുള്ള പോസ്റ്റർ മഞ്ജു തന്നെയാണ് തന്റെ ഔദ്യോഗിക ഫേസ്‌ബുക്ക് പേജിലൂടെ പങ്കുവെച്ചത്. പരസ്യ മേഖലയിൽ ഏറെ ശ്രദ്ധേയനായ മഹേഷ് വെട്ടിയാർ ആണ് ചിത്രം സംവിധാനം ചെയ്യുന്നത്.

കുടുംബ പശ്ചാത്തലത്തിൽ കഥ പറയുന്ന ചിത്രത്തിൽ സൗബിനും മഞ്ജുവും തുല്ല്യ പ്രാധാന്യമുള്ള കഥാപാത്രങ്ങളെയാണ് അവതരിപ്പിക്കുന്നത്. ഇവർ മാത്രമല്ല മലയാളത്തിൽ നിന്നും ഒട്ടേറെ താരങ്ങളും സിനിമയിൽ അണിനിരക്കുന്നുണ്ട്. മഹേഷ് വെട്ടിയാറും ശരത് കൃഷ്ണയും ചേർന്ന് രചന നിർവ്വഹിക്കുന്ന ചത്രം ഫുൾ ഓൺ സ്റ്റുഡിയോസാണ് നിർമ്മിക്കുന്നത്.

ജയേഷ് നായരാണ് ഛായഗ്രഹണം. അപ്പു എൻ ഭട്ടതിരിയും അർജുൻ ബെൻ എന്നിവർ ചേർന്ന് എഡിറ്റംഗ് നിർവ്വഹിക്കുമ്പോൾ സച്ചിൻ ശങ്കർ മന്നത്ത് ചിത്രത്തിന് സംഗീതമൊരുക്കുന്നു.