സംസ്ഥാനത്ത് നാളെ മുതൽ കാലവർഷം ശക്തിപ്രാപിക്കും; ബുധനാഴ്ച വരെ ശക്തമായ മഴ; ഏഴുജില്ലകളിൽ യെല്ലോ അലർട്ട്

തിരുവനന്തപുരം: സംസ്ഥാനത്ത് നാളെ മുതൽ കാലവർഷം ശക്തിപ്രാപിക്കുമെന്ന് കാലാവസ്ഥ പ്രവചനം. മധ്യകേരളത്തിലും വടക്കൻ കേരളത്തിലും വരും ദിവസങ്ങളിൽ ശക്തമായ മഴയ്ക്ക് സാധ്യതയുണ്ട്. നാളെ ഏഴു ജില്ലകളിൽ യെല്ലോ അലർട്ട് പ്രഖ്യാപിച്ചു.

കോട്ടയം, എറണാകുളം, ഇടുക്കി, തൃശൂർ, മലപ്പുറം, വയനാട്, കാസർകോട് ജില്ലകളിലാണ് കേന്ദ്ര കാലാവസ്ഥ വകുപ്പ് ജാഗ്രതാനിർദ്ദേശം നൽകിയത്. ചൊവ്വാഴ്ചയും ബുധനാഴ്ചയും സമാനമായ നിലയിൽ ഈ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കഴിഞ്ഞ ദിവസങ്ങളിൽ പ്രതീക്ഷിച്ച മഴ സംസ്ഥാനത്തിന് ലഭിച്ചിട്ടില്ല. കാലവർഷം ദുർബലമായിരുന്നുവെന്നാണ് വിലയിരുത്തൽ. എന്നാൽ വരുംദിവസങ്ങളിൽ മഴ ശക്തിപ്രാപിക്കുമെന്നാണ് കണക്കുകൂട്ടൽ.