ഫിലാഡൽഫിയ: മലയാളി അസോസിയേഷൻ ഓഫ് ഗ്രേറ്റർ ഫിലാഡൽഫിയയുടെ നേതൃത്വത്തിൽ 2014-ൽ നടത്തിയ 'കവിതഥ' സാഹിത്യ കൂട്ടായ്മയുടെ രണ്ടാമതു സാഹിത്യ സമ്മേളനവും ചാക്കോ ശങ്കരത്തിൽ അനുസ്മരണവും (കവിതഥ- 2015 ) 11-ന് ശനിയാഴ്ച രാവിലെ 9 മണി മുതൽ 4 മണി വരെ മാപ്പ് ഐ.സി.സി സെന്ററിൽ (MAP ICC,7733 Castor Avenue, Philadelphia, PA 19152 ) വച്ച് നടത്തുന്നു.

സാഹിത്യ പ്രതിഭകളുടേയും സാഹിത്യസ്‌നേഹികളുടേയും ഈ കൂട്ടായ്മയിൽ യൂണിവേഴ്‌സിറ്റി പ്രൊഫസ്സർ, ശാസ്ത്രജ്ഞൻ, സാഹിത്യകാരൻ എന്നീ നിലകളിൽ പ്രശസ്തിയാർജ്ജിച്ച ഡോ. ജോയ് കുഞ്ഞാപ്പു 'മലയാളം എന്റെ മാതൃഭാഷ- നിങ്ങളുടേയും' എന്ന വിഷയത്തെക്കുറിച്ച് പ്രബന്ധം അവതരിപ്പിക്കുന്നതാണ്. അതിനെ തുടർന്ന് കവിയരങ്ങും, കഥയരങ്ങും ഉണ്ടായിരിക്കുന്നതാണ്.

ജനങ്ങളിൽ വായനാശീലം വളർത്തിയെടുക്കാൻ വേണ്ടി പ്രവർത്തിച്ചുവരുന്ന മാപ്പിന്റെ ലൈബ്രറിയിലേക്ക് പുസ്തകങ്ങൾ സമർപ്പിക്കുവാനുള്ള അവസരവും, പ്രസിദ്ധീകരിക്കപ്പെട്ട പുസ്തകങ്ങൾ പ്രദർശിപ്പിക്കാനുള്ള പുസ്തകസ്റ്റാളുകളും ഉണ്ടാകും. ഈ കൂട്ടായ്മയുടെ വിജയത്തിനായി വിവിധ കമ്മിറ്റികൾ പ്രവർത്തിച്ചുവരുന്നു. മുൻകൂട്ടി സൃഷ്ടികൾ അയയ്ക്കാത്തവർക്ക് സൃഷ്ടികളുടെ കോപ്പിയുമായി അന്നേദിവസം വന്ന് കവിതയും കഥയും അവതരിപ്പിക്കാവുന്നതാണ്. ഈ സാഹിത്യ കൂട്ടായ്മയിലേക്ക് എല്ലാ സാഹിത്യ പ്രതിഭകളേയും, മലയാള ഭാഷാ സ്‌നേഹികളേയും സ്‌നേഹപൂർവ്വം ക്ഷണിച്ചുകൊള്ളുന്നു.

കൂടുതൽ വിവരങ്ങൾക്ക് ഈ നമ്പരുകളിൽ വിളിക്കുക: സാബു സ്‌കറിയ 267 980 7923 Email: Sackery1@yahoo.com , സിജു ജോൺ 267 496 2080 , ജോൺസൺ മാത്യു 215 740 9486, സോബി ഇട്ടി 267 888 1373, സോയ നായർ 215 698 8205 Email: soyabinu@gmail.com . സോബി ഇട്ടി ഒരു വാർത്താ കുറിപ്പിലൂടെ അറിയിച്ചതാണിത്.