പാലക്കാട്: വാഹനപരിശോധനയ്ക്കിടെ നിർത്താതെ പോയ കാറിൽ നിന്നും നാല് ചാക്ക് കഞ്ചാവ് പിടികൂടി. പാലക്കാട് കഞ്ചിക്കോട്ടാണ് സംഭവം. മഞ്ചേരി സ്വദേശികളായ രാജേഷ്, ശിഹാബ് എന്നിവരാണ് പിടിയിലായത്. എക്സൈസ് സംഘം നടത്തിയ വാഹനപരിശോധനയ്ക്കിടെയാണ് ഇവർ കാർ നിർത്താതെ പോയത്.

അമിത വേഗതയിൽ പോയ കാർ ബൈക്കിലും ടാങ്കർ ലോറിയിലുമിടിച്ചു. ടയർ പോട്ടിയതോടെയാണ് കാർ നിന്നത്. ഓടി രക്ഷപെടാൻ ശ്രമിച്ച പ്രതികളെ ഉടൻ തന്നെ പ്രതികളെ എക്സൈസ് കസ്റ്റഡിയിലെടുക്കുകയായിരുന്നു. ഏകദേശം നൂറ് കിലോയോളം കഞ്ചാവ് ഇവരിൽ നിന്നും പിടികൂടിയെന്നാണ് സൂചന. സംഭവത്തിൽ അന്വേഷണം ആരംഭിച്ചു.