ഫേസ് മാസ്‌കുകൾ വാങ്ങുകയോ നിർമ്മിക്കുവാനോ ശ്രമിക്കണം; വൈറസിന്റെ വ്യാപനം തടയുവാൻ ന്യൂസിലാന്റുകാർക്ക് നൽകുന്ന പുതിയ ഉപദേശങ്ങൾ ഇങ്ങനെ
വൈറസ് പടരുന്നത് കുറയ്ക്കുന്നതിന് സഹായിക്കുന്നതിനായി ന്യൂസിലാന്റുകാർ മാസ്‌കുൾ വാങ്ങുകയോ സ്വന്തമായി നിർമ്മിക്കുകയോ ചെയ്യണമെന്ന് നിർദ്ദേശം. വീടിന് പുറത്തുള്ളപ്പോൾ മുഖം മൂടി ധരിക്കുവാൻ ഓക്ക്‌ലാൻഡുകാരോട് ആവശ്യപ്പെടുന്നു. കൂടാതെ പൊതു ഗതാഗതം അല്ലെങ്കിൽ സൂപ്പർമാർക്കറ്റുകൾ പോലുള്ള പരിമിതമായ പൊതു ഇടങ്ങളിൽ ആയിരിക്കുമ്പോഴും മാസ്‌കുകൾ ധരിക്കുവാനാണ് നിർദ്ദേശിക്കുന്നത്.
ചില ആളുകൾ സ്വന്തമായി തയ്യൽ മെഷീനിൽ മാസ്‌കുകൾ നിർമ്മിക്കുമ്പോൾ മറ്റുള്ളവർ വിവിധ ഫാഷൻ ലേബലുകളിലുള്ള മാസ്‌കുകൾ വാങ്ങുന്നു. മാസ്‌കുകൾ ശരിയായി ധരിച്ചാൽ കൊറോണയെ തടയുന്നതിൽ വളരെ ഫലപ്രദമാണെന്ന് ഗവേഷണങ്ങൾ തെളിയിച്ചതായി നാനോ ടെക്നോളജിസ്റ്റും സയൻസ് എഡ്യൂക്കേറ്ററുമായ ഡോ. മിഷേൽ ഡിക്കിൻസൺ പറഞ്ഞു.
'ഏതെങ്കിലും മാസ്‌ക് ധരിക്കുന്നത് മാസ്‌ക് ധരിക്കാത്തതിനേക്കാൾ നല്ലതാണ്, പക്ഷേ കൂടുതൽ ഫലപ്രദമായി പ്രവർത്തിക്കുന്ന വ്യത്യസ്ത മാസ്‌കുകൾ ഉണ്ട്.' മൂന്ന് പ്രധാന തരം മാസ്‌കുകൾ ഉണ്ട്: N95 റെസ്പിറേറ്റർ മാസ്‌കുകൾ, സർജിക്കൽ മാസ്‌കുകൾ, തുണി അല്ലെങ്കിൽ വീട്ടിൽ നിർമ്മിച്ച മാസ്‌കുകൾ.
N95 മാസ്‌കുകൾ ആത്യന്തിക പരിരക്ഷ നൽകുന്നു, അത് ആരോഗ്യ പ്രവർത്തകർക്കും കൊവിഡിനെതിരെ മുൻനിരയിൽ നിന്നു പോരാടുന്നവർക്കുമായി. സ്വന്തമായി മാസ്‌ക് നിർമ്മിക്കാൻ ആഗ്രഹിക്കുന്ന ആളുകൾക്ക് ഏറ്റവും മികച്ച മെറ്റീരിയലാണ് ക്വിൾട്ടിങ് ഫാബ്രിക് അല്ലെങ്കിൽ കോട്ടൺ എന്ന് അവർ പറഞ്ഞു. കമ്പിളി പോലുള്ള മാസ്‌കുകളേക്കാൾ കൂടുതൽ സംരക്ഷണം കോട്ടൺ നൽകുന്നുവെന്നും' അവർ പറഞ്ഞു.
