മാസ്‌ക് നീക്കണമെന്ന് ആവശ്യപ്പെട്ട് രണ്ട് ഏഷ്യൻ വനിതകളെ ചുറ്റിക കൊണ്ട് തലക്കടിച്ച പ്രതിയെ കണ്ടെത്താൻ പൊലീസ് സഹായമഭ്യർത്ഥിച്ചു
ന്യുയോർക്ക് : മൻഹാട്ടനിൽ മെയ് 2 ഞയാറാഴ്ച വൈകീട്ട് 8 മണിയോടെ സൈഡ് വാക്കിലൂടെ നടക്കുകയായിരുന്ന ഏഷ്യൻ വനിതകളുടെ മാസ്‌ക് എടുത്ത് മാറ്റണമെന്ന് ആവശ്യപ്പെട്ട് തലക്ക് ചുറ്റിക അടിച്ച് പരിക്കേൽപ്പിച്ച കറുത്ത വർഗ്ഗക്കാരിയായ സ്ത്രീയെ കണ്ടെത്തുന്നതിന് ന്യുയോർക്ക് പൊലീസ് പൊതു ജനത്തിന്റെ സഹായമഭ്യർത്ഥിച്ചു .
മുപ്പത്തിയൊന്നും ഇരുപത്തിയൊൻപതും വയസ്സ് പ്രായമുള്ള ഏഷ്യൻ വനിതകളാണ് ആക്രമിക്കപ്പെട്ടത് . 31 വയസ്സുള്ള തലക്ക് സ്ത്രീ മുറിവേറ്റ നിലയിൽ സമീപത്തുള്ള ആശുപത്രിയിൽ പ്രവേശിപ്പിച്ചു . സംഭവത്തിന് ശേഷം പ്രതി അവിടെ നിന്നും രക്ഷപ്പെട്ടു .
50 വയസ്സ് പ്രായമുള്ള സ്ത്രീയെ ആണ് ഈ കേസിൽ പൊലീസ് തിരയുന്നത് .
ഇതൊരു വംശീയ ആക്രമണമായിട്ടാണ് പൊലീസ് കേസ്സ് രജിസ്റ്റർ ചെയ്തിരിക്കുന്നത് . ന്യുയോർക്ക് ഹെയ്റ്റ് ക്രൈംസ് ടാക്സ് ഫോഴ്സാണ് കേസ്സ് അന്വേഷിക്കുന്നത് . ഈ സംഭവത്തെക്കുറിച്ച് വിവരം ലഭിക്കുന്നവർ1800 577 8477 Tips എന്ന നമ്പറിൽ വിളിച്ച് അറിയിക്കണമെന്ന് പൊലീസ് അഭ്യർത്ഥിച്ചിട്ടുണ്ട് .
ഏഷ്യൻ വംശജർക്കെതിരായി തുടർച്ചയായി ഉണ്ടാകുന്ന ആക്രമണ സംഭവങ്ങളിൽ ശക്തമായ പ്രതിഷേധംഉയരുമ്പോഴും ആക്രമണ സംഭവങ്ങൾ വർദ്ധിച്ച് വരുന്നതിൽ ആശങ്കയിലാണ് ഇന്ത്യക്കാർ ഉൾപ്പെടെയുള്ള ഏഷ്യക്കാർ .
