ഖത്തർ കൾച്ചറൽ ഫോറം പി എസ് സി പരിശീലന പരിപാടി സംഘടിപ്പിച്ചു

ദോഹ:നാട്ടിൽ സർക്കാർ സർവീസുകളിൽ പ്രവാസികളെ പ്രോത്സാഹിപ്പിക്കുക എന്ന ലക്ഷ്യത്തോടെ കൾച്ചറൽ ഫോറം പി എസ് സി പരിശീലന പരിപാടി സംഘടിപ്പിച്ചു. കൂടെയുണ്ട് കൾച്ചറൽ ഫോറം എന്ന തലക്കെട്ടിൽ കൾച്ചറൽ ഫോറം എച്ച് ആർ വകുപ്പിന്റെ കീഴിലാണ് കെ എസ് ഇ ബിയുടെ സബ് എഞ്ചിനീയർ തസ്തികയിലേക്കുള്ള പരിശീലന പരിപാടി സംഘടിപ്പിച്ചത്.

റിട്ടയേർഡ് എക്‌സിക്യൂട്ടീവ് എഞ്ചിനീയർ അബ്ദുൾ നാസറാണ് ഉദ്യോഗാർത്ഥികൾക്ക് പരിശീലനത്തിന് നേതൃത്വം കൊടുത്തത്.കൾച്ചറൽ ഫോറം പ്രസിഡന്റ് മുനീഷ് എ സി പരിപാടി ഉദ്ഘാടനം ചെയ്തു.മുൻകൂട്ടി രജിസ്റ്റർ ചെയ്ത അറുപതോളം ഉദ്യോഗാർത്ഥികളും കൾച്ചറൽ ഫോറം നേതാക്കളും പങ്കെടുത്തു.