പ്രവാസികൾക്ക് സ്വാന്തനം ആയി യുവകലാ സാഹിതി ഖത്തർ സൗജന്യ മെഡിക്കൽ ക്യാമ്പ് വൻ ജനകീയ പങ്കാളിത്തത്താൽ ശ്രദ്ധേയം ആയി.ആസ്റ്റർ മെഡിക്കൽ സെന്റർ റയാൻ ബ്രാഞ്ചിൽ വെച്ച് നോർക്ക റൂട്സ് ഡയറക്ടർ സി വി റപ്പായി ക്യാമ്പ് ഉത്ഘാടനംചെയ്തു.

യുവകലാസാഹിതി ഖത്തറിന്റെ ഇത്തരം ഉദ്യമങ്ങൾ മാതൃകാപരവും ശ്ലാഘിനിയവുമാണെന്നു അദ്ദേഹം അഭിപ്രായപ്പെട്ടു. ആസ്റ്റർ മെഡിക്കൽ സെന്റർ ഡോക്ടർ ഷാക്കിറിന്റെ നേതൃതത്തിലുള്ള മെഡിക്കൽ സംഘം ക്യാമ്പിന് നേതൃത്വം നൽകി.

അനിൽ കുമാർ ഉപ്പോട്ടിന്റെ അധ്യക്ഷതയിൽ കൂടിയ യോഗത്തിൽ യുവകലാസാഹിതി ഖത്തർ സെക്രട്ടറി ഇബ്രൂ ഇബ്രാഹിം സ്വാഗതവും, യുവകലാസാഹിതി വനിതാ വേദി സെക്രട്ടറി ശ്രീജ രഘുനാഥ്, പ്രസിഡന്റ് ഷാന ലാലു ആശംസകൾ നേർന്നു. മെഡിക്കൽ ക്യാമ്പ് കോർഡിനേറ്റർ കെ. ഇ. ലാലു നന്ദിയും പറഞ്ഞു.