രണ്ടാമൂഴത്തിലൂടെ അവതരിക്കാൻ പോകുന്നത് മറ്റൊരു മോഹൻലാൽ; ഭീമനായി വേഷമിടുന്ന മോഹൻലാൽ ഇന്ത്യയിലേക്ക് ഓസ്‌കാർ കൊണ്ടുവന്നേക്കും; രണ്ടാമൂഴത്തെ കുറിച്ച് മനസ് തുറന്ന് ശ്രീകുമാർ മേനോൻ
മോഹൻലാൽ ഭീമനായി എത്തുന്ന സിനിമയാണ് രണ്ടാമൂഴം. ശ്രീകുമാർ മേനോനാണ് ഈ ചിത്രം സംവിധാനം ചെയ്യുന്നത്. രണ്ടാമൂഴത്തിലൂടെ മോഹൻലാൽ ചിലപ്പോൾ ഇന്ത്യയിലേയ്ക്ക് ആദ്യ ഓസ്‌കാർ കൊണ്ടുവന്നേക്കുമെന്നാണ് സംവിധായകൻ ശ്രീകുമാർ മേനോൻ പറയുന്നത്. 'ഇത് ഒരു യുദ്ധ സിനിമയല്ല. രണ്ടാമൂഴത്തിൽ നമ്മൾ കാണാൻ പോകുന്നത് വേറൊരു രൂപത്തിലുള്ള മോഹൻലാലിനെയാണ്. രണ്ടാമൂഴം എന്ന സിനിമ തന്നെ ഭീമന്റെ മനസ്സിന്റെ യാത്രയാണ്. ഇമോഷണൽ ത്രില്ലറാണ് അത്. അതൊരു യുദ്ധ പടമൊന്നുമല്ല. ഭീമൻ അനുഭവിക്കുന്ന അപമാനങ്ങൾ, ഒറ്റപ്പെടൽ, കഴിവുകൾക്ക് അംഗീകാരം ലഭിക്കാത്തതിനാൽ വേദനിക്കുന്ന ഭീമനെയാണ് രണ്ടാമൂഴത്തിൽ അവതരിപ്പിക്കുന്നത്.' ഈ ചിത്രത്തിലൂടെ മോഹൻലാൽ ഇന്ത്യയിലേക്ക് ഓസ്‌കാർ എത്തിക്കുമെന്ന പ്രതീക്ഷയും ശ്രീകുമാർ മേനോൻ പങ്കുവെയ്ക്കുന്നു. 'ഞാൻ മുമ്പ് പറഞ്ഞിരുന്നു ഇന്ത്യയിലേക്ക് ആദ്യം ഓസ്‌കാർ കൊണ്ടുവരുന്ന നടൻ മോഹൻലാലായിരിക്കുമെന്ന്, അത് ഒരു അതിശയോക്തിയല്ല. അതെനിക്കുറപ്പാണ്. കാരണം അത്രമാത്രം ആ കഥാപാത്രത്തെ അറിഞ്ഞു കൊണ്ട് അവതരിപ്പിക്കാൻ ഇന്നു ലോകസിനിമയിൽ മോഹൻലാൽ മാത
മോഹൻലാൽ ഭീമനായി എത്തുന്ന സിനിമയാണ് രണ്ടാമൂഴം. ശ്രീകുമാർ മേനോനാണ് ഈ ചിത്രം സംവിധാനം ചെയ്യുന്നത്. രണ്ടാമൂഴത്തിലൂടെ മോഹൻലാൽ ചിലപ്പോൾ ഇന്ത്യയിലേയ്ക്ക് ആദ്യ ഓസ്‌കാർ കൊണ്ടുവന്നേക്കുമെന്നാണ് സംവിധായകൻ ശ്രീകുമാർ മേനോൻ പറയുന്നത്.
'ഇത് ഒരു യുദ്ധ സിനിമയല്ല. രണ്ടാമൂഴത്തിൽ നമ്മൾ കാണാൻ പോകുന്നത് വേറൊരു രൂപത്തിലുള്ള മോഹൻലാലിനെയാണ്. രണ്ടാമൂഴം എന്ന സിനിമ തന്നെ ഭീമന്റെ മനസ്സിന്റെ യാത്രയാണ്. ഇമോഷണൽ ത്രില്ലറാണ് അത്. അതൊരു യുദ്ധ പടമൊന്നുമല്ല. ഭീമൻ അനുഭവിക്കുന്ന അപമാനങ്ങൾ, ഒറ്റപ്പെടൽ, കഴിവുകൾക്ക് അംഗീകാരം ലഭിക്കാത്തതിനാൽ വേദനിക്കുന്ന ഭീമനെയാണ് രണ്ടാമൂഴത്തിൽ അവതരിപ്പിക്കുന്നത്.'
ഈ ചിത്രത്തിലൂടെ മോഹൻലാൽ ഇന്ത്യയിലേക്ക് ഓസ്‌കാർ എത്തിക്കുമെന്ന പ്രതീക്ഷയും ശ്രീകുമാർ മേനോൻ പങ്കുവെയ്ക്കുന്നു. 'ഞാൻ മുമ്പ് പറഞ്ഞിരുന്നു ഇന്ത്യയിലേക്ക് ആദ്യം ഓസ്‌കാർ കൊണ്ടുവരുന്ന നടൻ മോഹൻലാലായിരിക്കുമെന്ന്, അത് ഒരു അതിശയോക്തിയല്ല. അതെനിക്കുറപ്പാണ്. കാരണം അത്രമാത്രം ആ കഥാപാത്രത്തെ അറിഞ്ഞു കൊണ്ട് അവതരിപ്പിക്കാൻ ഇന്നു ലോകസിനിമയിൽ മോഹൻലാൽ മാത്രമേയുള്ളു'. ശ്രീകുമാർ മേനോൻ ഒരു അഭിമുഖത്തിൽ പറഞ്ഞു.
1000 കോടി രൂപ മുടക്കിയാണ് ഭീമൻ എന്ന ബിഗ്ബജറ്റ് ചിത്രം നിർമ്മിക്കുന്നത്. ചിത്രത്തിലെ സംഘട്ടനം കൈകാര്യം ചെയ്യുന്നത് പീറ്റർ ഹെയ്‌നാണ്. 100 ഏക്കറോളം സ്ഥലമാണ് രണ്ടാമൂഴം ചിത്രീകരിക്കാൻ ആവശ്യമായിട്ടുള്ളത്. ഇന്ത്യൻ സിനിമയിലെ പ്രമുഖ താരങ്ങൾ ഈ സിനിമയുടെ ഭാഗമാകുന്നുണ്ട്.
