ഇത്തവണ ലാലേട്ടന്റെ ദീപാവലി ആഘോഷം ദുബായിലെ പുതിയവീട്ടിൽ; ആഘോഷത്തിൽ ഒപ്പം ചേർന്ന് സഞ്ജയ് ദത്തും; ഐ.പി.എൽ വേദിയിലെത്തിയതിന് പിന്നാലെ ഞെട്ടിച്ച് അടുത്ത ഫോട്ടോയും; പാചകം ചെയ്യുന്ന ചിത്രം ഉൾപ്പടെ പങ്കുവച്ച് സൂപ്പർതാരം; ആശംസ അറിയിച്ച് ആരാധകരും

കൊവിഡ് ഭീതിയിലാണെങ്കിലും രാജ്യം മുഴുവൻ ഇന്ന് കരുതലോടെ ദീപാവലി ആഘോഷിക്കുകയാണ്. മഹാനടൻ മോഹൻലാലും ആഘോഷത്തിരക്കിൽ തന്നെയാണ്. ഈ വർഷം ദുബായിൽവച്ചാണ് താരം ദീപാവലി ആഘോഷിക്കുന്നത്. കൂടെ സഞ്ജയ് ദത്തുമുണ്ട്. ഇവരുടെ ചിത്രങ്ങൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്.

ദുബായിയിൽ ഐ.പി.എൽ. ഫൈനൽ മത്സരം നടക്കുന്ന വേദിയിൽ എത്തിയ മോഹൻലാലിന്റെ ചിത്രങ്ങൾ കഴിഞ്ഞ ദിവസം സോഷ്യൽ മീഡിയയിൽ തരംഗമായിരുന്നു. താരത്തിനൊപ്പം ഭാര്യ സുചിത്രയുമുണ്ടായിരുന്നു. ദുബായിലെ വീട്ടിൽ പാചകം ചെയ്യുന്ന താരത്തിന്റെ ചിത്രങ്ങളും നേരത്തെ പുറത്തുവന്നിരുന്നു. എന്താണ് പാചകം ചെയ്യുന്നത് എന്ന് ചോദിച്ച് ആരാധകർ രംഗത്തെത്തിയിരുന്നു.

അതേസമയം, മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്യുന്ന റാം, ദൃശ്യം 2 എന്നീ സിനിമകളുടെ എഡിറ്റിങ് ജോലികൾ പുരോഗമിക്കുകയാണ്. സംവിധായകൻ തന്നെയാണ് ഇക്കാര്യം ഫേസ്‌ബുക്കിലൂടെ ആരാധകരെ അറിയിച്ചത്. കോവിഡ് മാനദണ്ഡങ്ങൾ പാലിച്ചുകൊണ്ട് അടുത്തിടെയായിരുന്നു ദൃശ്യം 2വിന്റെ ഷൂട്ടിങ് നടന്നത്.