വാഷിങ്ടൺ: പണം സമ്പാദിക്കുന്നതിന് തന്റെ ആറു വയസുള്ള മകളെ അപരിചിതർക്ക് കാഴ്ച വച്ച അമ്മയ്ക്ക് കോടതി ജയിൽ ശിക്ഷ വിധിച്ചു. മകളെ ലൈംഗികമായി ഉപയോഗിക്കാൻ പുരുഷന്മാരെ ക്ഷണിച്ചുകൊണ്ട് ഇന്റർനെറ്റിൽ പരസ്യം നൽകിയ അമ്മയ്ക്കാണ് കോടതി 26 വർഷത്തെ ജയിൽ ശിക്ഷ വിധിച്ചത്.

പ്രശസ്ത ക്ലാസിഫൈഡ് വെബ്‌സൈറ്റിലാണ് അമ്മ പരസ്യം നൽകിയത്. തങ്ങളുടെ വാഷിങ്ടണിലെ മേരീസ് വില്ലെയിലുള്ള വീട്ടിലെത്തി പണം നൽകിയാൽ ആറു വയസുകാരിയെ നിങ്ങൾക്ക് ലൈംഗികമായി ഉപയോഗപ്പെടുത്താം എന്നായിരുന്നു പരസ്യം. പൊലീസിൽ പരാതി ലഭിച്ചതിനെ തുടർന്ന് ഇവരുടെ വീട്ടിൽ നടത്തിയ റെയ്ഡിൽ അമ്മ നോക്കി നിൽക്കെ കുട്ടിയെ ഒരു പുരുഷൻ പീഡിപ്പിക്കുന്നതിന്റെ ദൃശ്യങ്ങളടങ്ങിയ വീഡിയോയും കുട്ടിയുടെ ലൈംഗിക ചിത്രങ്ങളും കണ്ടെത്തിയിട്ടുണ്ട്.

പ്രായപൂർത്തിയാകാത്ത കുട്ടിയെ ലൈംഗികമായി ദുരുപയോഗം ചെയ്തതിനും ചൂഷണത്തിന് വിധേയയാക്കിയതിനും മറ്റും അമ്മയ്‌ക്കെതിരേ വാഷിങ്ടൺ സ്‌നോഹോമിഷ് കൗണ്ടി ജൂറി കുറ്റക്കാരിയാണെന്ന് കണ്ടെത്തി. മുപ്പത്തഞ്ചുകാരിയായ ഇവരുടെ 57കാരനായ ഭർത്താവിനും 27 വർഷത്തെ ശിക്ഷ വിധിച്ചിട്ടുണ്ട്. ചൈൽഡ് പോർണോഗ്രാഫി കൈകാര്യം ചെയ്തതിനും അമ്മയ്‌ക്കെതിരേ കേസ് നിലവിലുണ്ട്. ആറു വയസുകാരിയുടേയും സഹോദരന്റേയും സുരക്ഷയെക്കരുതി അമ്മയുടേയും അവരുടെ ഭർത്താവിന്റെയും വിലാസം പുറത്തുവിട്ടിട്ടില്ല. 2014-ൽ ഇവരെ അറസ്റ്റ് ചെയ്തതിനു ശേഷം കുട്ടികൾ പൊലീസ് സംരക്ഷണത്തിലാണ്.