വൈകുന്നേരും 5.25ന് ഭർത്താവിന് ഹൃദയാഘാത മരണം; 6.50ന് ഭാര്യയക്കും അതു സംഭവിച്ചു; പ്രവാസി മലയാളിയും ഭാര്യയും ഒന്നര മണിക്കൂറിന്റെ ഇടവേളയിൽ മരിച്ചു; ജേക്കബിന്റേയും ഭാര്യയുടേയും വിയോഗം കേട്ട് ഞെട്ടി ഷാർജയിലെ മലയാളികൾ

ഷാർജ: ഭർത്താവ് മരിച്ച് മണിക്കൂറുകൾക്കുള്ളിൽ ഭാര്യയും മരിച്ചു.തൃശൂർ ഇരിഞ്ഞാലക്കുട താണിശ്ശേരി ചെംബകശ്ശേരി ജേക്കബ് വിൻസന്റ് (64), ഭാര്യ ഡെയ്‌സി വിൻസന്റ് (63) എന്നിവരാണ് മരിച്ചത്.ഹൃദയാഘാതമാണ് മരണ കാരണം.

ഷാർജയിൽ എയർ കണ്ടീഷണർ ഇൻസ്റ്റലേഷൻ സിസ്റ്റംസ് കമ്പനി നടത്തുന്ന ജേക്കബ് വിൻസന്റ് കഴിഞ്ഞ ദിവസം വൈകുന്നേരം 5.25ന് ആണ് ഹൃദയാഘാതം മൂലം മരിച്ചത്. ഒന്നര മണിക്കൂറിന് ശേഷം വൈകുന്നേരം 6.50ന് ഡെയ്‌സിയും ഹൃദയാഘാതം മൂലം മരിച്ചു. ഷാർജ അൽ ഖാസിമി ആശുപത്രിയിലായിരന്നു രണ്ട് പേരുടെയും അന്ത്യം

കുഞ്ഞാവര ജേക്കബിന്റെയും അന്നമ്മയുടെയും മകനാണ് ജേക്കബ്. ആലൂക്കാരൻ ദേവസ്സി റപ്പായിയുടെയും ബ്രജിതയുടെയും മകളാണ് പെരിങ്ങോട്ടുകര സ്വദേശി ഡെയ്‌സി വിൻസന്റ്. ഷാർജയിൽ മോർച്ചറിയിൽ സൂക്ഷിച്ചിരുന്ന മൃതദേഹങ്ങൾ ഇന്ന് നാട്ടിലെക്ക് കൊണ്ടുവന്നു.