വർക്കല: അന്തരിച്ച സ്വാമി സദ്രൂപാനന്ദ (61) യുടെ സമാധിയിരുത്തൽ ഇന്നു കാഞ്ചീപുരം സേവാശ്രമത്തിൽ നടക്കും. രാവിലെ പത്തിനാണ് സമാധിയിരുത്തൽ ചടങ്ങുകൾ. ഹൃദ്രോഗത്തിനു ചികിൽസയിലിരിക്കെ ചെന്നൈയിലായിരുന്നു അദ്ദേഹത്തിന്റെ അന്ത്യം.

ആലപ്പുഴ ചേർത്തല ചാരമംഗലത്ത് കരുണാകരൻ-ചെല്ലമ്മ ദമ്പതിമാരുടെ മകനാണ്. പൂർവാശ്രമത്തിലെ പേര് ചന്ദ്രൻ എന്നായിരുന്നു. 1977ൽ ശിവഗിരി ബ്രഹ്‌മവിദ്യാലയത്തിൽ ചേർന്നു. 1985ൽ സന്യാസദീക്ഷ സ്വീകരിച്ചു. ബ്രഹ്‌മവിദ്യാലയത്തിന്റെ സംരക്ഷണാചാര്യനായി സേവനം അനുഷ്ഠിച്ചു. രണ്ടു പതിറ്റാണ്ടിലേറെയായി ധർമസംഘം ട്രസ്റ്റ് ബോർഡ് അംഗമാണ്. കാഞ്ചീപുരം ശ്രീനാരായണ ആശ്രമത്തിൽ 35 വർഷമായി പ്രവർത്തിക്കുന്നു.

മറുനാടന്‍ മലയാളി

    മറുനാടന്‍ മലയാളി ബ്യൂറോ