ഷാർജ: സിനിമാ നിർമ്മാതാവ് തൃശൂർ കൊരട്ടി ചക്കിയേത്തിൽ സി.ഒ. തങ്കച്ചൻ (53) ഷാർജയിൽ നിര്യാതനായി. നടൻ രവീന്ദ്ര ജയന്റെ സംവിധാനത്തിൽ ഇന്ദ്രൻസ്, ഉർവ്വശി എന്നിവരെ പ്രധാന കഥാപാത്രങ്ങളാക്കി നിർമ്മിക്കുന്ന കിറ്റ് ക്യാറ്റ് എന്ന ചിത്രത്തിന്റെ പോസ്റ്റ് പ്രൊഡക്ഷൻ ജോലികൾക്കായി നാട്ടിലേക്ക് പോകാൻ തീരുമാനിച്ച ദിവസമായിരുന്നു ഷാർജയിലെ താമസസ്ഥലത്ത് മരിച്ച നിലയിൽ കണ്ടെത്തിയത്. ഹൃദയാഘാതമാണ് മരണകാരണം.

പിതാവ്: ഔസേപ്പ്. മാതാവ്: മറിയം. ഭാര്യ: മഞ്ജു. മക്കൾ: യുവ നടൻ ഗോഡ് വിൻ, ക്രിസ് വിൻ. മൃതദേഹം നാട്ടിൽ സംസ്‌കരിക്കും.