ഭോപ്പാൽ: മുതിർന്ന കോൺഗ്രസ് നേതാവും മുൻ ഗവർണറുമായിരുന്ന അസീസ് ഖുറേഷി (83) അന്തരിച്ചു. വെള്ളിയാഴ്ച രാവിലെ ഭോപ്പാലിലെ സ്വകാര്യ ആശുപത്രിയിലായിരുന്നു അന്ത്യം. ദീർഘനാളായി ചികിത്സയിലായിരുന്നു. ഭോപ്പാൽ സ്വദേശിയാണ്. ഉത്തരാഖണ്ഡ്, ഉത്തർ പ്രദേശ്, മിസോറാം സംസ്ഥാനങ്ങളുടെ ഗവർണറായി സേവനമനുഷ്ഠിച്ചിട്ടുണ്ട്.

മധ്യപ്രദേശിലെ സെഹോറിൽ നിന്നും 1972ൽ എംഎൽഎ ആയി തെരഞ്ഞെടുക്കപ്പെട്ടു. 1984ൽ ലോക്‌സഭാംഗമായി. മധ്യപ്രദേശ് ഉർദു അക്കാദമിയുടെ ചെയർമാനായും പ്രവർത്തിച്ചിട്ടുണ്ട്.