കോഴിക്കോട്: സൗദിയിലേക്ക് അവധി കഴിഞ്ഞ് മടങ്ങാനിരുന്ന പ്രവാസി, തലയിൽ തേങ്ങ വീണ് മരിച്ചു. കൊങ്ങന്നൂർ പുനത്തിൽ പുറയിൽ അബൂബക്കറിന്റെ മകൻ പി.പി മുനീർ (49) ആണ് മരിച്ചത്. കോഴിക്കോട് മെഡിക്കൽ കോളേജിൽ ചികിത്സയിലിരിക്കെ ബുധനാഴ്ച പുലർച്ചെയാണ് മരണം സംഭവിച്ചത്.

തിങ്കളാഴ്ച വൈകുന്നേരം 6 മണിയോടെയാണ് അപകടം ഉണ്ടായത്. തറവാട് വീട്ടിൽ അസുഖ ബാധിതനായി കിടക്കുന്ന ഉപ്പയെ പരിചരിച്ച് സ്വന്തം വീട്ടിലേക്ക് ഭാര്യയുമൊത്ത് ബൈക്കിൽ മടങ്ങവെയാണ് വഴിയരികിലെ തെങ്ങിൽനിന്ന് മുനീറിന്റെ തലയിൽ തേങ്ങ വീണത്. സൗദി അറേബ്യയിലെ ഹയാൽ പ്രവിശ്യയിൽ ജോലി ചെയ്യുന്ന മുനീർ ഉപ്പയുടെ ചികിത്സയുമായി ബന്ധപ്പെട്ട് രണ്ടര മാസം മുൻപാണ് നാട്ടിലെത്തിയത്.

മാതാവ്: ആമിന. മക്കൾ: ഫാത്തിമ ഫഹ്മിയ, ആയിഷ ജസ്വ (ഒമ്പതാം ക്ലാസ്, അത്തോളി വൊക്കേഷണൽ ഹയർസെക്കൻഡറി സ്‌കൂൾ) സഹോദരൻ: പി.പി. നൗഷാദ്, പി.പി. നൗഷിദ.

അത്തോളിയൻസ് ഇൻ കെഎസ്എയുടെയും കെഎംസിസിയുടെയും പ്രവർത്തകനാണ്. ഖബറടക്കം ഇന്ന് വൈകീട്ട് മൂന്ന് മണിയോടെ കൊങ്ങന്നൂർ ബദർ ജുമാമസ്ജിദിൽ നടന്നു.

 

 

പ്രവാസി തലയിൽ തേങ്ങ വീണ് മരിച്ചു

മറുനാടന്‍ മലയാളി

    മറുനാടന്‍ മലയാളി ബ്യൂറോ