തിരുവനന്തപുരം: മുതിർന്ന മാധ്യമപ്രവർത്തകൻ ഡി. സുദർശൻ കുമാർ (61) അന്തരിച്ചു. ഹൃദയസ്തംഭനത്തെ തുടർന്ന് തിരുവനന്തപുരം ശ്രീകാര്യത്തെ വസതിയിൽ ആയിരുന്നു അന്ത്യം.

പ്രശസ്തനായ സ്പോർട്സ് ജേർണലിസ്റ്റ് ആണ്. ദീപിക ദിനപത്രത്തിന്റെ തിരുവനന്തപുരം ബ്യൂറോ ചീഫ് ആയി ദീർഘകാലം പ്രവർത്തിച്ചു. ഇന്ത്യാ വിഷന്റെ സ്പോർട്സ് എഡിറ്റർ ആയിരുന്നു. റിപ്പോർട്ടർ ടിവി, ജീവൻ ടിവി, മംഗളം ടിവി എന്നിവയിലും പ്രവർത്തിച്ചു. മൃതദേഹം ഇന്ന് 11.30 ന് വസതിയിൽ നിന്നെടുക്കും. തുടർന്ന് സംസ്‌കാരം തൈക്കാട് ശാന്തി കവാടത്തിൽ.

നിരവധി സ്പോർട്സ് മീറ്റുകൾ റിപ്പോർട്ട് ചെയ്തിട്ടുണ്ട് സുദർശൻ കുമാർ. ഫുട്‌ബോളിനോടായിരുന്നു കൂടുതൽ ഇഷ്ടം. കേരളാ ഫുട്‌ബോളിന് കരുത്ത് പകരുന്ന വിധം ഇടപെടൽ നടത്തിയ മാധ്യമ പ്രവർത്തകൻ കൂടിയാണ് സുദർശനൻ.