സുൽത്താൻ ബത്തേരി: സുൽത്താൻ ബത്തേരി നഗരസഭ ചെയർമാൻ തെരഞ്ഞെടുപ്പിൽ സിപിഎം പിന്തുണയോടെ മത്സരിച്ച കേരള കോൺഗ്രസ് എമ്മിന് ജയം. ടി.എൻ സാബു 16നെതിരെ 18 വോട്ടുകൾക്ക് ചെയർമാനായി തെരഞ്ഞെടുക്കപ്പെട്ടു. സിപിഎമ്മിന് 17 ഉം കേരള കോൺഗ്രസ് എമ്മിന് ഒരു വോട്ടും ഉൾപ്പടെ 18 സീറ്റുകൾ ലഭിച്ചു. യു.ഡി.എഫിന് 16 വോട്ടുകളാണ് ലഭിച്ചത്. ബിജെപിയുടെ ഒരംഗം വോട്ടെടുപ്പിൽ നിന്ന് വിട്ട് നിന്നു. നഗരസഭാ തെരഞ്ഞെടുപ്പിൽ കേരള കോൺഗ്രസ് യു.ഡി.എഫിന്റെ ഭാഗമായിരുന്നു. എന്നാൽ തെരഞ്ഞെടുപ്പിന് ശേഷം എൽ.ഡി.എഫിന് പിന്തുണ നൽകി. ധാരണ പ്രകാരം കഴിഞ്ഞ ഏപ്രിൽ 3 ന് എൽ.ഡി.എഫിലെ സി.കെ സഹദേവൻ ചെയർമാൻ സ്ഥാനം രാജിവെച്ചിരുന്നു.